DABE 28:49 - Biblía Axweesantá Hhohho' ar Mungú 2004

⁴⁹ AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.

DABE 28:49 Iomraidhean Croise

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

WARA'AMI 81:5

Asma hara'ayaarí gana oó' tawa lamabu'uungw dír Yosefuwo, iwa tláy baraá yaamaá Misrír wa ale. Afór heé ni xuaaká ana axaás.

AXWEESANOÓ SAGALOOA 30:19

Adór gwareesi ir hi'iimit gawaá gáwtá wa ale Adór dayshamo ir hi'iimiti gawaá daanduú tlaa/aro Adór miringamo ir gawaá daanduú ma'ár hi'iimiti Nee gár garma gu uuruxuum nee dasi tawa alhi'iimiti.

ISAYA 33:19

Kuungá' múk sagegawdén u baloó aanda'aaká, tam múk axweesani bó/ oo ta tsatsahhanda'aaká sleeme, múk axweesantaín ga mororohhiím ar ta tsahhká.

ISAYA 39:3

Aluuwo aarusmo Isaya iri amór waawutmo Hesekia káy, guri báy, «Mukwí gár i kaahi a milá? Nee amór ni dahhiya' a amá niwa dirógí hardihiyé'.» Hesekia iri oó', «Mukwí amór i dahhi ka ló'wa saaw. A baraá yaamaá Babuloni.»

ISAYA 7:18

Qoomaarihe AAKOÓ MUNGÚ muu gun ateet ar fitseeliingw baraá yaamaá Misrírí ale, nee iimír yaaér Nili wa ale, nin hardihiyá' adór ba'ár. Nee múk Ashuru nin hardah adór ba'ari iimír ayaaín wa ale.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 48:40

AAKOÓ MUNGÚ i kaahi, «Qaytsiít, Moabu ku gaanslár i haraatláy nee xooro adór gwareesír hhampi'iiwós ga gwet.

YEREMIA 49:22

Ga/aaweek, wakusmo i gáwtí /akuut adór gwareesi, nee ar hhampi'iiwose gixsár Bosra gari tuuntuuk. Baalaarihe munér pihhuusér Edomu dae gari hatsís adór /ameenír dír asltá xwayla.»

WA/AA/I 4:19

Múk taa eehar ku ló'wa insláhh ta gwersuuwo, atén tina guús ay gawaá tlom'i, tay gigidiné' baraá darmuú wa alé.

ESEKIELI 11:9

Aníng kuungá' nu duúx baraá gixsár wa alé, nee nuri qaás gawaá dabaá múk xoordaá hatlá', aníng kuungá' nuri sakwasleemuút.

ESEKIELI 17:12

«Gimáy, daxta mukwí aa dee/anuut yaahaseek. Bar slaqsaywí oo axweesani ku tsatsahhán, kibeeto, ‹Waawutmoó múk Babuloni nina hardáh baraá Yerusalemu, waawutmo guri hingeés nee geeraharuuser'ine, giri huúw ay yaamaá Babuloni.

ESEKIELI 17:3

Ki beeto, anuú Aakoó MUNGÚ a káh, ‹Gwareesirka wák yaangaariir i deer, slám hhaampe'eeriwós ki ló'wa uren, hhaampe'eeriwós i hayaá yaariir awa kal'aá dimbedimbé koná'. Gwareesirí ina /akút ay tloomár Lebanoni, iri iwít gawaá tsitsinír sahhti.

ESEKIELI 3:6

U ya/abitaaká dír xoordaá yaariir awa tsifir hatlo nee awa tsifri gawden, tidá' kuúng ta xuaká. Asma geeraawo barnaxes un ya/abiít dír múk adór kwí, ar ló' geeraawo inooín kuúng u axaasiyá'.

DANIELI 7:4

Makiito'ór geera a slaqmís nee diraangw, slám i hhaampa'aá koón adór kuqaá gwareesi. Qoomár ngiwa adoorí wa ga/aw, hhampi'iiwós kina tu/ún, inós kari gáwtí tleés iri sihhít ar ya'aá tsár adór heéwár aleeró. Kari fuqurángw heéwí haniís.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

FAARO 24:24

Miringér Kitimúr daahh in hardát, Ashuru nee Eberi kin i haratláy. Ala múk Kitimu sleeme kuri hhaamiis ay alhhe'eesay wasle.»

Matayo 24:28

«Asma dír tuua i diri' an didá' gwares i burumburiiti.»

1 Korinto 14:21

Baraá hara'ayár Mosewo kaa gooín, «Aako i kaahi, ‹Aníng an axweés dír mukwí i alé ar tsifir hatlo nee ar tsifrír múk hatlá', ala tam adoorihe inooín aníng i iiárií qaasiaaká.› »