DABE 28:48 - Biblía Axweesantá Hhohho' ar Mungú 2004

⁴⁸ Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.

DABE 28:48 Iomraidhean Croise

1 WAAWITÁ 8:33

«Qoomár mukók oo Israeli burkwa arbaá/ nee wakuuser'ín asma tlakweemaaín kudá' naa tleehhiyé' diroge, inooín barta hhu'uu'ún, kuúng turi haratlintií', bar gurtleemu ngwaa firiné' tiwa dirógé niinawesiyé' baraá do'owí wa alé,

2 QOM'I 12:8

Ala inooín ngu sagadiyusiyá', as kahhó' kawa tsaahhi adór aníng tir sagadiyuusi tar dimbé nee waawutuú baraakaá yaamuwo kuwa sagadiyuusi.»

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

YEREMIA 17:4

Yaamuuká' aníng naa kuungá' i haniís aqo in geexeerá', nee aníng kuungá' nun gawaá dabaá wakuuserhúng i haniís, as kiwa sagadiyuusa' baraá yaamaá kuungá' ta baloó xua'aaká, asma aníng an daa/atúw buhhtaawo adór asltá baloó gwa'aaká.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

YEREMIA 44:27

Mukwí aníng u iltá tlaákw ar ga/áw as nguwa gár tlaákwí tleehh nee u hhooeemáy sla'aaká. Múk Yuda sleémeero kudá' baraá yaamaá Misrír hoót ku hhaamiis ar paánga nee qwari, ay dír ti suquuti.

YEREMIA 5:19

Nee qoomár mukhúng burnu yaahamiis, tawa kaahi, ‹Ahaá waáy, gár AAKOÓ MUNGÚ, Munguúrén, muruuwí sleémeero ngusa atén i tleéhh a milá?› Kuúng inooín ki beer, ‹Kuungá' aníng ina sié', munguaá dahaaye awa baraá yaamuuhúng kiri sluufmisuú eeré' as adoorí kuungá' xoorór ta xua'aaká kari sagadiyusá' baraá yaamaá xuaawásl wa ale.› »

WA/AA/I 1:14

«Tlakweemaaeé' sleémeero gina burumburaarín, giri gawaaeénií qaás, giri dinkwárí tseék ar dakós, ngiri gawaá istaeéní tarereé', aníng iri al'iloouyé', Aako aníng iga qaás gawaá dabaá múk aníng tlaampa'aasaro ni aleeslawaaká.

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

WA/AA/I 4:4

Afér na/aá ninakw aa kahaakát waxeero, i mak muruú /aymár firiiriná' ala heé gi qáw i kaahh.

ESEKIELI 17:12

«Gimáy, daxta mukwí aa dee/anuut yaahaseek. Bar slaqsaywí oo axweesani ku tsatsahhán, kibeeto, ‹Waawutmoó múk Babuloni nina hardáh baraá Yerusalemu, waawutmo guri hingeés nee geeraharuuser'ine, giri huúw ay yaamaá Babuloni.

ESEKIELI 17:3

Ki beeto, anuú Aakoó MUNGÚ a káh, ‹Gwareesirka wák yaangaariir i deer, slám hhaampe'eeriwós ki ló'wa uren, hhaampe'eeriwós i hayaá yaariir awa kal'aá dimbedimbé koná'. Gwareesirí ina /akút ay tloomár Lebanoni, iri iwít gawaá tsitsinír sahhti.

ESEKIELI 17:7

«Ala gwareesirka hatlá' yaangaariir i deer, hhaampe'eeriiwós ki uren nee ka hayo yaariir, xa'anooduú sabiíbu dee/áruuwós gway amór gwareesidá' xu'ús, haleemaawós niri amoodá' xuiyé' as ngiwa ma'áy eemis.

ESEKIELI 23:29

As adoodá' kiíng iwa slaiaaká, mamaá gadiyér dabaawók ngin hayoohiyá', tlabaawók kiri hayoh iri /aankwetsisiyá', /aankwetsuú tsaatu'uumarók gár kur lu/ iri qwát. Kaangwí gár kusa sleér a as tsaatu'uumarók nee fuqtók.

MIKA 2:3

Gawaá adoorihe AAKOÓ MUNGÚ i kaahi, «Ga/aawaak, aníng sleeme a muruú tlákw qoomeemeés oo ni daanduuhúng i huuw, oo kuungá' ta ilagoba'aaká. Gaarí a qoomar tlaakw, tam kuungá' hi'iitanór daara/aangw kay inki/a'aaká.

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

DABE 32:24

Inooín qwari gi hhaamiis, nee duuraai gin fák, i tiqtír tlákw i kwaáhh. Aníng i makaá xaraaslá' i tleés, nee dayshér qarkú koom, tidá' gur'ér ar hi'imiit.