DABE 28:43 - Biblía Axweesantá Hhohho' ar Mungú 2004

⁴³ «Hoomoodá' baraá yaamuuwók hoot /uuru gun slasláy bartaqaáqae kuúng an neehuumít.

DABE 28:43 Iomraidhean Croise

2 WAAWITÁ 17:20

AAKOÓ MUNGÚ múk Israeli guri sií' sleémeero, giri muúx ar loohír xoordaá xaraaslá', sleémeero kiri hhaamiís dír geeraawose.

2 WAAWITÁ 17:23

Alhhe'eesaywo AAKOÓ MUNGÚ inooín giri qwaareés dír geeraawose ar adoodá' ngira naanaáq ar loohír sagadiyuuserós ar aaruuse. Gawaá adoorihe, múk Israeli kuri ar tláy ay baraá yaamaá Ashuru, ay nee laarí ta hotaatín amoodá' wa aleeró.

WARA'AMI 79:8

Miti sakwasleemuutaar as dakuusár xwayliiteérén. Gurtleemuwoge ti alee'eer ar gaanslaay, asma atén taa kángw kilá' wa hara/uuntsín.

WA/AA/I 1:5

Gixaarós kan baliit nee wakuuseerós, wakuuseerós aa slawiín, asma AAKOÓ MUNGÚ inós gana slahh'eemiís as tlakweemaawós kudá' yaariir. Na/iiwós wakuuse gira tleér baraá loohaay.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

Yohana 18:31

Pilato giri báy, «Gimsé', kuungá' ar tlawaak, sakwasleemuutaak ar hara'ayarhúng.» Múk Yahudi tari oó', «Atén ya/aám a koomaanaaká ar hee kuwa gaasaan.»

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

DABE 28:13

AAKOÓ MUNGÚ Munguúwók kuúng un heé baaliliím tleehh, un baloó niinaweesiiká, nee kuúng daqisleém un heé gawa tleehh, u baloó baráy ki/isiiká. Inós adoorí ngi kuúngií tleehh, barnaxes kuúng hara'ayár AAKOÓ MUNGÚ, Munguúwók, tí laarí ni kuúngií hara'ayiyiim aga ót nee kari boo/és ar ilakaahara,

HAR'OHUUSE 14:4

Ala baabuúwós nee aayorose gaarí kaa xuiiká adór tar gár amór AAKOÓ MUNGÚ daahh, asma li/aay gun bu'utá wa slaa' dír múk Filisti. Qoomaadae múk Filisti múk Israeli gun sawaawuti'ii'ín.

HAR'OHUUSE 2:3

Gawaá adoorihe hamí aníng an kah, án muksíng u guusaaká dír ilaahunge, ala in adór laqaya' tleehhitiyá' baraá slaqoohunge, nee munguii'ín nuri baraá iiara'adií dahaasiyá' oo kiwa sluufmisuú eera'.»

HAR'OHUUSE 6:6

Múk Israeli kuri ló'wa slahh'eemiís nee múk Midiani, AAKOÓ MUNGÚ nguri i /aa/aminé' as ngiwa alee/iisi.