DABE 28:33 - Biblía Axweesantá Hhohho' ar Mungú 2004

³³ Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 28:33 Iomraidhean Croise

YOBU 20:18

Mamaá hameerós gin slayká, gi aleeslayká ngiwa tsaqi. Slaasláwár halaanu'uumarós ga saqwala/iiká.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 42:22

Ala mukwí an múk taa fisiisín, nee taa mura' hayóh. Sleémeero kaa ohín nee baa'a, sleémeero kaa luú/ baraá doó tseegma. Inooín a adór makaá ta slakaati, kudá' handá' heé gi /iís i kaahh. Inooín aa haasaáng kudá' handá' heé oó', «Ki/isak.» i kaahh.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

YEREMIA 4:17

Yerusalemu ngiri harweeriyá' adór xuumuusér qamu, asma mukós aníng ina aáhh. tí AAKOÓ MUNGÚ tí ngina oó'.

YEREMIA 5:15

Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

ESEKIELI 25:4

Gawaá adoorihe aníng kuungá' nu qaás gawaá dabaá múk da/aáw as tunduwa aali. Inooín xafay'ín ngun tleehhiyá' baraá tla/angwhúng, nee heemaduuín ngin kiki'iyá' baraá yaamuuhúng. Inooín mamaá ayaahúng ngiri /ayiyá', nee ilwaahúng ngiri wahná'.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

DABE 28:34

Sagók iri hhituruut as muruudá' ta ara'aan ilaawoge.

DABE 28:51

Inooín hikwaawók ngin /ayiyá' nee balangoge ay dír kuúng uy hhaamisiya'. Inooín kuúng u balángwí geexay'aaká, nee difaáiro, nee di/to. Inooín tse/eetaá hikwaawók, nee deeloó bee/angoge ngun hhaamiisiyá'.

HAR'OHUUSE 6:3

Umuú daqto múk Israeli balaangw burngwa dahaasiyé' baraá qamuuín, múk Midiani nee oo Amaleki, nee oo hatlá' kuduú da/aáw, tan haraatláy amor'ín.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.