DABE 28:24 - Biblía Axweesantá Hhohho' ar Mungú 2004

²⁴ AAKOÓ MUNGÚ teeri nee hhasaango gin tluwaywók tleehh. Muruuwí kuúng un slaasláy ay dír tay hhaan.

DABE 28:24 Iomraidhean Croise

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

AMOS 4:11

«Muu bahh'alé baraá tla/angwhunge una hhaamiís, adoodá' múk Sodoma nee Gomora ngura hhaamiís. Panaydá' aa meet baraá tla/angwhunge tay adór xwatsaatsír asla aa meetís. Ala tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

HAGAI 1:10

Gawaá adoorihe, doori iga tseék tam baafoó niiná oo hara' i taxatiiká, nee yaamu sleeme kaa tseék tam mamuuín ngi duuxiaaká.

DABE 11:17

Asma adoosíng bara tlehhé', AAKOÓ MUNGÚ buhhtaawo nuri i daa/atúy, aluuwo doori giri tseek tluwaay guri ilaa/, nee yaamu balaangw ngway hamareesiaaká. Kuungá' tari hhaandá' baraá yaamaá hhoohhoo', kudá' AAKOÓ MUNGÚ naa haniís.

DABE 28:12

AAKOÓ MUNGÚ qaasirós tidá' hho' aa qaás gawaá doori ngi dirógií gweer, tluwaay ngun haniis qoomaadá' hariima, nee gadiyeérók gari tsuuq. Xoordaá yaariir kiri kirkitimís, ala kuúng a kirkimér eeraaká.

DABE 28:23

Doori in kahiyá' adór muqslír sirboo/, as tluwaay wasle, nee daanduú yaamu tari adór muqsli.