DABE 28:20 - Biblía Axweesantá Hhohho' ar Mungú 2004

²⁰ «AAKOÓ MUNGÚ kuúng' un lu'us, uri amotlakweérí huuw, nee amoqwaqwadiingw, nee diqiya' tsatmit baraá gadiyeeduuwók sleémeerowo ay dír tay hhaan nee tari gaanslár suqút, asma tlehhmi'iiwók kudá' tlakw taa tléhh, awa Mungú kuwa geexeér.

DABE 28:20 Iomraidhean Croise

YOBU 24:18

Kuungá' a kata', ‹Múk tlákw kun fitsfiits ar gwaanduú ma'aay, maray'ín kaa lu'ús baraá yaamuwo, heé kií/ baraá qaymoorós ar sabiíbu i kaahh.›

WARA'AMI 7:11

Mungú a ga/aawusmoó ganaá', tlakuuse qooma sleémeero gan sakwasleemuut.

ISAYA 28:19

Umuúqo baalár amotlakwe iwa ayaahúngár waarahha aqo nun dásl, umuú matlaatlér xawa aqo nun i hardát, umuúqo tlaatla/ango nee xweeraawo, kángw adór kwí kuwa axas i ló'wa dae tlaaq.

ISAYA 30:17

Mukhúng oo kumuú wák in tlatlaahh barkwa dae tsaát nee heé wák, ala múk kooán burna iigahhaát, kuungá' sleémeero an tlatlahhá', kuungá' tari metá' adór xa'anoó bendeéra oo gawaá ságw tlooma, tari adór layár taa qaás gawaá gongooamo.

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 1:16

Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 19:4

Asma mukwí aníng iga geexáy, nee yaamuuká' nga meeta gaasiyé' ar da/aa/ángw mooyaangw dír munguaá hatlá', munguiidá' inooín nee baabi'ii'ín, laqaá waawitaáín ta baloó xuiiká. Nee sleeme yaamuuká' nga hatsiisiyé' tseerdaá múk dakuús wasle.

TLAHHOÓ LAÁWI 26:38

An baraá tla/ángw xoordú i qwadá', nee yaamaá wakuuserhúng nun gu/iyá'.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

DABE 28:8

«Tsuuqaá AAKOÓ MUNGÚ meeweduuwók ngi dalaa/iyá', nee gadiyerók sleémeero ga tsuuq. AAKOÓ MUNGÚ, Munguúhúng kuún u tsuuq baraá yaamaá uy haniisi.

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

YOSHUA 23:16

Kuungá' barnaxes alqadoodá' AAKOÓ MUNGÚ, Munguúhúng naa dirhúngií hara'ayín kawa ota', aga geeqeeré', munguaá hatlá' kiri sagadiyusé', nee kiri i tumbarara'amituú eeré', daqaní AAKOÓ MUNGÚ kuungá' nun i buuhh, kuungá' tari hhaandá' ar wa'aá wák baraá yaamuuká' hhooá' awa naa dirhúngií haniisi.»

HAR'OHUUSE 2:15

Umuúqo slaqwarár taa ayi AAKOÓ MUNGÚ gina ya/an kiwa baali, ar adoodá' ngira oó', nee ar adoodá' lo'o ngira /aáy, inooín niri ló'wa amoqwaariyé'.

1 SAMUELI 14:20

Saulo nee mukós kudá' sleémeero dinkwárí diriá' tana burumburiít, slaqwara kari iimu/ún nee múk Filisti. Naxés múk Filisti tiri kilooín haraawarqayé' muxtaaro ar paangadu, tlaahhi iri ló'wa búhh.