DABE 28:15 - Biblía Axweesantá Hhohho' ar Mungú 2004

¹⁵ «Ala barnaxes kuúng afór AAKO MUNGÚ, Munguúwók, aga iialooeská, laqaá barnaxes hara'ayaarós sleémeero nee dabeerose, tí laarí ni kah, aga harmagahhká ooharo, naagáy kuúng lo'oorí sleémeero un /ák:

DABE 28:15 Iomraidhean Croise

IIMU/UUNGW 3:14

AAKOÓ Mungú dayshamo guri báy, «Asma adoosíng kawa tléhh, kuúng taa lu'ús ta makaá ta de'en sleémeero, nee ta makaá sla/a sleémeero. An gurúr mandrooqomít, teeri an /ák, baraá slafiingók sleémeero.

IIMU/UUNGW 4:11

Hám daxta kuúng taa lu'ús baraá yaamuwo, kudá' tseerér hhiyaawók ngaa ilaoohiye' ar taa ku'ús ar dakók.

IIMU/UUNGW 4:12

Tam yaamu bir dósl, bu'úngw hhó' ngu duuxiaaká, slám kuúng tay heé tawó hi'imaamiít, oo doó hootaaká.»

2 QOM'I 12:5

Naagáy aarusmo Shemaya waawutmo Rehoboamu nee geeraharuusér Yudawo gina i daqáy, kudá' naa burumburiitiye' Yerusalemu as tawa goów Shishaki wa ale, giri báy, «AAKOÓ MUNGÚ i kaahi, ‹Kuungá' aníng iga geexeeré', ala gawaá adoorihe aníng kuungá' naa geexáw, nee nuri haniís dír waawutmo Shishaki.› »

2 QOM'I 34:24

AAKOÓ MUNGÚ i kaahi, ‹Qaytsiít, aníng amotlakwe ngi huúw baraá Yerusalemu nee dír múk baraadá' hoót, daanduú axweesanaydá' sleémeero oo lo'o, kudá' taa gooín baraá kitaábuudá' taa soomuús dír waawutmoó Yuda.

2 QOM'I 7:19

Ala barnaxés kuungá' aníng iga geexeeré', kaahir'eé' kari sié' nee hara'ayar'eene, nee munguaá hatlá' kiri sluufmisuú eeré',

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

YEREMIA 11:8

Tam adoorihe inooín aníng iga iialooeesi'iiká, laqaá iga iiárií qaasi'iiká, ala nina ak buhhiyé' niwa sagagawdúr hootiya'. Gawaá adoorihe aníng inooín in slaáhh ar adór axweesanayduú alqado naa dir'ín i hara'ayiím, kudá' inooín naa si'iyé'.»

YEREMIA 26:4

«Inooín ki beer, AAKOÓ MUNGÚ i kaahi, ‹Barnaxes aníng iga iiárií qasi'iiká, nee daber'eé' tidá' naa qaás aga eehadi'iiká,

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

YEREMIA 36:31

Aníng inós un muúx nee xwaylarose dinkwa nee sagadiyuuserós asma tlakweemaaín. Inooín in amotlakweérií huúw nee yaamuloousér Yerusalemu sleémeero nee múk Yuda sleémeero daanduú tidá' aáng nga bawí nee inooín tari axaasiiká.› »

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

YEREMIA 40:2

Geeraharusmooduú xuumuuse Yeremia guri ar tláy guri báy, «AAKOÓ MUNGÚ, Munguúwók yaamuuká' gina amotlakweérí káh.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

HOSEA 7:12

Birnda tlayé' aníng in tsaxweelírí qaás as ngiwa ohiim, in gawtá wa /arara/aás adór tsir/ór wa ale, in muúx as tlehhmi'ii'ín kudá' tlakw.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

DABE 11:28

Kuungá' tundu lu'us bar hara'ayár AAKOÓ MUNGÚ, Munguúhúng aga iialooesi'iiká, nee loohidá' inós naa ooi, tari munguaá hatlá' sluufmisuú eerá', kudá' kuungá' ta xua'aaká,

DABE 28:2

Kuúng barnaxes afór AAKOÓ MUNGÚ, Munguúwók aga iiárií qás, daqaní tsuuqaaká' sleémeero u i hardihiyá', tari kók.

DABE 28:45

«Kaangwí kuúng un sláy, uri alkomkaakoóm ay dír tay hhaan, asma kuúng afór AAKOÓ MUNGÚ, Munguúwók kawa iialoeská, as hara'ayaarós tidá' naa haniís nee dabeerose kawa otká.

DABE 29:19

Barnaxes axweesanoó alqadoorí, tí hamí lo'o kawa /agé', hee gwaa axaás, aluuwo iri sagós ar awín, nee iri ooi, ‹Aníng gár i aw i káhh, tam aníng sagagawduueé' bura eehár,› gaarí kuungá' sleémeero nu fák, múk tlákw nee oo hhoe.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

YOSHUA 23:15

Ala adoodá' muruudá' sleémeero oo hhó' AAKOÓ MUNGÚ, Munguúhúng naa dirhúngií al'axweés ira boó/, adoorí an adoodá' sleeme AAKOÓ MUNGÚ muruú tlákw ngur aleesláy gawaahúngií huwto ay dír kuungá' tay hhaanda' baraá yaamuuká' hhooe awa tinda haniís nee AAKOÓ MUNGÚ Munguúhúng.

YOSHUA 23:16

Kuungá' barnaxes alqadoodá' AAKOÓ MUNGÚ, Munguúhúng naa dirhúngií hara'ayín kawa ota', aga geeqeeré', munguaá hatlá' kiri sagadiyusé', nee kiri i tumbarara'amituú eeré', daqaní AAKOÓ MUNGÚ kuungá' nun i buuhh, kuungá' tari hhaandá' ar wa'aá wák baraá yaamuuká' hhooá' awa naa dirhúngií haniisi.»

HAR'OHUUSE 2:15

Umuúqo slaqwarár taa ayi AAKOÓ MUNGÚ gina ya/an kiwa baali, ar adoodá' ngira oó', nee ar adoodá' lo'o ngira /aáy, inooín niri ló'wa amoqwaariyé'.

1 SAMUELI 4:10

Múk Filisti iri slaáqw nee xoorór Israeli, xoorór Israeli kari baál, umuú heewo iri goów amór do'ós, múk yaariír kuri hhaamiís, baraá xoorór Israeliro slaqwaruusér taa daáhh a kume mibeeri tám ar ya'ár hi'iimiit baraá slaqwaraaro.