DABE 28:12 - Biblía Axweesantá Hhohho' ar Mungú 2004

¹² AAKOÓ MUNGÚ qaasirós tidá' hho' aa qaás gawaá doori ngi dirógií gweer, tluwaay ngun haniis qoomaadá' hariima, nee gadiyeérók gari tsuuq. Xoordaá yaariir kiri kirkitimís, ala kuúng a kirkimér eeraaká.

DABE 28:12 Iomraidhean Croise

1 WAAWITÁ 18:1

Alaá deelór yaariir iwa waaráhh ar har afiqoomár kureeraá tám awa giyeé, Eliya axweesantá AAKOÓ MUNGÚ gana axaás iwa kat, «Tláw ti geehhooes dír waawutmo Ahabu, daqaní aníng tluwaay ngu haniís baraá yaamu.»

YOBU 38:22

«Kuúng looár wake aga dáti baraá kuuntír tlaa/aá tluwaay, laqaá baraá kuuntír tlaa/aá tluwaay,

WARA'AMI 135:7

Inós an kudá' huunkáy gu tlehhiít baraá yaamuú wa ale. Tluwoó mankarór koóm guri tleéhh, fur'a sleeme ngi huuw iimír didá' aa amohhe'eés wa ale.

AXWEESANOÓ SAGALOOA 22:7

Daqaarmo i waawuti'ín daanduú narkutmoó wa alé. Nee heé muruú kirkiít a lawaalmoó hee kirkitiimís.

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

TLAHHOÓ LAÁWI 26:4

aníng nun tluwáy haniís ar qoomoó hariím, yaamu nay bu'úngw yaariír i laqwaaliyá', xaa'aá baraá qamuuhúng na/ii ngiri laqwaaliyá' sleeme.

DABE 11:14

Kuungá' bar adoorí aga tlehhé', daqaní inós tluwaay ngu haniis baraá yaamuuhúng qoomaadá' hariima, tluwoó saxi, nee tluwoó buhaare, kuungá' balangwhúng kuri bu'uundá', nee difaái nee di/tahunge.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 15:10

Heé narkutmo tu/aak ar muunuú /awaák, bura tú/ ma qunuunu/aar, asma adoorí bara tlehhé', AAKOÓ MUNGÚ, Munguúhúng kuungá' nu tsuuq baraá gadiyeduuhúng sleémeero awa taqo tlehhita'a.

DABE 15:6

Qoomár bar AAKOÓ MUNGÚ, Munguúhúng kuungá' naa tsuúq ar adoodá' aáng ngira geerií oó', kuungá' muruú yaariír un kirkitisá', ala kuungá' gár dír muko ta kirka' i káhh. Kuungá' sleeme xoordaá hatlá' in sa waawuti'iindá' ala xoorduuká' kuungá' nu sawaawuti'ina'aaká'.

DABE 23:20

Kuúng gaa bara kirkitís dír heé xoordaá hatlá', aldaafi iinaaro a aleesleér, ala dír hhiyaawók oo heé Israeliro aldaafi ma leelehhitaar, nee AAKOÓ MUNGÚ, Munguúwók u tsuuq baraá umuúqo gár ta tlehha, umuúqo dír tay hotaá eera nee kawa al.

DABE 28:24

AAKOÓ MUNGÚ teeri nee hhasaango gin tluwaywók tleehh. Muruuwí kuúng un slaasláy ay dír tay hhaan.

DABE 28:44

Kuúng un kirkitimis ala kuúng gár ta kirkitis i káhh. Inós tari heé /uuruú koóm oo geera, kuúng tari heé ta waaqaaqai.