DABE 28:11 - Biblía Axweesantá Hhohho' ar Mungú 2004

¹¹ AAKOÓ MUNGÚ kuúng u ló'wa tsuuq baraá xwaylaroge, nee baraá hikwahunge, nee baraá balangoge, nee baraá qamuwoge, baraá yaamuudá' inós aa lo'ór wa /aáy dír baabi'iiwók ngiwa dirógií haniisi.

DABE 28:11 Iomraidhean Croise

YOBU 19:17

Aga tlií/ dír harer'eene, hhaee'eé' awa kilá' in har xinani'iyá'.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

TLAHHOÓ LAÁWI 26:9

Aníng kuungá' nu i qaytsiít nuri na/aá yaariír i haniís nee tari doogiindá', aníng alqador'eé' ngiri gawdeés dirhunge.

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 28:4

«Kuúng tun tsuuq nee na/aá yaariir in laqwál, qamuwók balángw yaariír ngu hamareesiyá', nee tleemaaír hikwaawók ka tsuuq, nee ar bee/aango.

DABE 30:9

AAKOÓ MUNGÚ, Munguúhúng kuungá' nu diihhooár yaariír i haniis baraá umuú gár ta tlehhita'a, na/aá yaariir i laqwalá', nee hikwaá yaariir i sleerá', nee qamuuhúng balángw yaariír ngu hamaareesiyá'. Asma Mungú in malé qwalaa/ kuungá' nuwa dihhooárí haniisi, ar adoodá' ira qwalaá/ baabi'iihúng giri dihhooárí haniís,

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.