DABE 28:1 - Biblía Axweesantá Hhohho' ar Mungú 2004

¹ «Kuúng barnaxes afór AAKOÓ MUNGÚ, Munguúwók aga iialooés, nee aga ilakaaharés, hara'ayaarí laarí ni kuúngií hara'ayiyiim bara harmagáhh, inós kuúng u iiatleerees baraá xoordaá daanduú yaamuwo.

DABE 28:1 Iomraidhean Croise

1 QOM'I 14:2

Daudi gay tsaáhh adór AAKOÓ MUNGÚ waawuti'iimarós ngira gawdeés baraá yaamaá Israeliro, nee waawuti'iimarós kari iia tleereés as mukós kuduú Israeli.

WARA'AMI 106:3

Múk amohhoó' a kudá' sakwasleemár ganaa' ngi boo/eemiisá', kudá' umuú daqto muruú qoóm gu tlehhiít.

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 119:128

Adoorihe an hoót ar hara'ayarók, lohdaá al/ayma i waák.

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 91:14

Aníng inós u ba/amís asma iga ló'wa slaá', un xuúm asma umuueé' gwa xuú'.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TI'INAANGW 23:22

Ala kuungá' bar afoorós aga ló'wa harmagahhé' iiárií qamiingo, nee tidá' sleémeero án naa kuungá' báw kari tlehhé', daqaní aníng tari wakusmoó wakuuserhúng, nee mukdá' kuungá' nu siasií' án u sií'.

TI'INAANGW 23:25

Kuungá' aqo AAKOÓ MUNGÚ Munguúhúng un sluufmisá', nee aníng muruú /aymarhúng nee ma'aá wahangwhunge in tsuúq, slám aníng tiqti an hingeés baraá tla/angwhunge.

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

YEREMIA 11:4

Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 12:16

Alaá kaangwí bira waaraáhh, inooín barnaxes alhotaarír muk'eé' kaa intsatsaáhh ar muunuú ló', nee bar lo'o ngaa umuueér /ayiyé' tawa kaahi, ‹Ar adoodá' AAKOÓ MUNGÚ ir hotaatina.› Adoodá' aáng muk'eé' ngura intsaahhatisiyé' lo'o ngiwa /ayiya' ar mungú Ba'ali, daqaní inooín tari hoot baraá tla/ángw muk'eene.

YEREMIA 17:24

AAKOÓ MUNGÚ i kaahi, «Ala barnaxes aníng iga iiárií qasé', nee huwa ngi dahmisa'aaká baraá gixsa baalaarír Sabaátoro, ala deelór Sabaáto kari hhohhoesé', nee gadiyeedu kiri meeré' baalaadae,

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Luka 9:48

Giri báy, «Heé na/aywí gwa umuueénár ilaoh, heé aa ilaóh a aníng. Nee kudá' aníng iga ilaoh, kudá' aníng iga ya/aaw guna ilaóh. Asma kudá' ló'wa niiná dirhunge, an kudá' úr.»

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

DABE 11:13

«Naagáy kuungá' hara'ayduueé' kuká' laarí ni hanmiis bira iialooesé', nee AAKOÓ MUNGÚ, Munguúhúng bura slaé', nee bura sagadiyusé' ar munerhúng sleémeero, nee qeereemoohúng sleémeero.

DABE 11:27

Tsuuqa a kuká': Barnaxes hara'ayár AAKOÓ MUNGÚ, Munguúhúng tí laarí nu babaw aga iialooesé', tsuuqa i sleerá'.

DABE 15:5

barnaxes kuungá' aga dír AAKOÓ MUNGÚ, Munguúhúngí iialooesé' nee hara'ayaarí laarí ni dirhúng i kah bara ló'wa harmagahhé' kawa ota'.

DABE 26:18

Nee AAKOÓ MUNGÚ laarí ooaro gaa gwa/atís adór kuungá' tar mukós oo kilá' adoodá' ngira oó', nee kuungá' gár tunduwa hariím a hara'ayaarós sleémeero an otá'.

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 28:13

AAKOÓ MUNGÚ Munguúwók kuúng un heé baaliliím tleehh, un baloó niinaweesiiká, nee kuúng daqisleém un heé gawa tleehh, u baloó baráy ki/isiiká. Inós adoorí ngi kuúngií tleehh, barnaxes kuúng hara'ayár AAKOÓ MUNGÚ, Munguúwók, tí laarí ni kuúngií hara'ayiyiim aga ót nee kari boo/és ar ilakaahara,