DABE 27:3 - Biblía Axweesantá Hhohho' ar Mungú 2004

³ Gawaá dandeemaá tlaa/eedae /aymi'i sleémeero awa dabeerí ki gooiindá' qoomár bara daté' baraá yaamuudá' diihhooár ilwa nee dane, kudá' AAKOÓ MUNGÚ, Munguú baabi'iihúng naa al'axweés.

DABE 27:3 Iomraidhean Croise

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

YEREMIA 32:22

inooín kiri yaamuukií hanís, kuúng kiri diihhooár ilwa nee daneérí hanís, adoodá' aáng kara qaro alqadiín dír baabi'ii'ín.

TLAHHOÓ LAÁWI 20:24

Ala án kuungá' naa qaroó báw, yaamuusíng a aalirhúng, yaamaá diihhooár ilwa nee dane. Aníng an AAKOÓ MUNGÚ, Munguúhúng, kudá' kuungá' naa paraatl dír xoordaá hatlae.

FAARO 13:27

Mose nguri bayé', «Aga hardáh amór yaamuudá' ti ya/áp, yaamuudá' a yaamaá diihhooár ilwa nee dane, nee gaarí an /aroó mamaá baraá yaamuudá'.

FAARO 14:8

Barnaxes AAKOÓ MUNGÚ gaa slaá', atén ti baraadá' i dahaas, nee yaamuudá' diihhooár ilwa nee dane ngi haniis.

DABE 26:9

Tiri huúw baraá yaamuukaá diihhooár ilwa nee dane.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

DABE 6:8

Axweesantí ka tsék gawaá dabaawók nee dahás gawaá gitsee/aawók adór slamángw wa ale.

Ebrania 10:16

«Aako i kaahi, Gaarí an alqadoodá' án ni tleehhamór wa slaa' nee inooín alaá deeloodá' sleémeerowo. Aníng hara'ayar'eé' an baraá muner'ín i qaás, nee an baraá inslaway'ín i gooiím.»

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.

YOSHUA 8:32

Yoshua dabér Mose gay dír ilaá múk wa gooín gawaá tlaa/e.