DABE 27:15 - Biblía Axweesantá Hhohho' ar Mungú 2004

¹⁵ «Umuúqo heewo oo slaqsaay gwaa tleehh, laqaá gwaa kwahhuut, nee umuúqo gaaro ar taa tleéhh ar daba' kari qawti sihhtís, tidá' AAKOÓ MUNGÚ i waki, kwaa lu'ús.» «Nee muu sleémeero ta ooi, Amin.»

DABE 27:15 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:34

Raheli murslaaqatuú munguiidá' guna ar tleér, guri lú/ baraá guruú fala gawaá daanduú angamía, guri al'iwít. Labani iri ló'wa leelehhiít baraá guruú heéma sleémeero, ala gwaa slayká.

IIMU/UUNGW 9:25

iri oó', «Kana'ani ku lu'usi, inós a lawaalmoó kilá' oo hhaeewós.»

2 WAAWITÁ 17:19

Tam múk Yuda hara'ayár AAKOÓ MUNGÚ, Munguúín, ngaa iialoesi'iiká, inooín slooidár xoordaá hatlá', tidá' tinda huúw nee múk Israeli ngina oohiyé'.

2 WAAWITÁ 23:13

Waawutmo kiteeridá' gawaá gongoama' awa bihhaá da/aáw Yerusalemuro gina meeta gaás, nee bihhidaá tloomár hhituru'uuma didá' Solomon waawutmoó Israeli aa tleéhh as Ashtaroti, tidá' ta waki ar múk Sidoni, nee Kemosi ar múk Moabu, nee Milkomu ar múk Amoni.

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

2 QOM'I 33:2

Inós tlehhma'aá tlakw gina tleéhh dír geeraá AAKOÓ MUNGUHE, tlehhmi'iidá' ta waki, awa adór kudaá mukdá' AAKOÓ MUNGÚ aa guús geeraá múk Israeli wa ale.

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

TI'INAANGW 34:17

«Nee slám murslaqatuú munguaá hatlá' awa muqsla mi tleehhaar as kiwa sluufmis.

ISAYA 44:13

Heé peehhoó dakuút guna gan'amiís, guna layarí qamín ar kalaámuú penséli, guri natsatsaeés ar ránda, gari adór slaqsoó hhoohhoó' oo heé wár tleehh, ngway qaasiyé' baraá maray'ín.

ISAYA 44:17

Bartá xa'ano tidá' aa met gan slaqsoó mungúr tleehh, nee gari i tumbarara'aat, gari sluufmiis gari firiirín iwa kaahi, «Kuúng an Munguúeé', aníng tu/áng.»

ISAYA 44:19

Heé tí gaa aldaakw i kaahh, laqaá oo xu'utír koóm i kaahh oo tí ga inslasláw tawa kaahi, «Tlaqtá xa'anoowí ana hamiís nee ngiri mikaátér tleéhh, ngiri fu'unár daá/ ngiri /aáy. Xáy bartadár hatlá' aa met an tleéhha ar gár ta waki, bartadár hatlá' aa met ngiri sluufmiísa?»

YEREMIA 11:3

Inooín ki beer, AAKOÓ MUNGÚ, Munguú múk Israeli i kaahi, ‹Umuúqo heé axweesantá alqadoorí ga axamisaaká i tsarere'eeti.

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 28:6

Guri báy, «Masók an adoosíng, AAKOÓ MUNGÚ adoosíng ngi tleehhi, AAKOÓ MUNGÚ axweesantók tisíng ngi boo/eesi, xooslár Doó AAKOÓ MUNGÚ ngi baraá Babuloni wa ki/isi, dinkwa nee muu sleémeero kudá' taa amoodií loohatís.

ESEKIELI 14:4

«Inooín baweek, anuú Aakoó MUNGÚ a kah, Heé baraá tla/ángw múk Israeliwo oo muunaáwós ta hatsís nee slaqsa'aá munguaá hatlá', nee gari ló'wa ya/án kuwa gan'amisi nee munguiiká tleehhmaá' tlákw ngiwa tleehhi, aluuwo tari daqáy dír aarusmo as iwa hara'ayár leehhiya', anuú AAKOÓ MUNGÚ in mu/aywaáts, ar mu/aywatstá qoom tam dír slaqsi'ii'ín kudá' yaariire.

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

DANIELI 11:31

Slaqwaruuseerós muruú ta waki kun dahaas baraá Doó Mungú nee baraá gixsa. Ilahhooadár da/aa/aangw ar umuú baala kan ilaa/. Gadaádá' ta waki gan sihhtis baraá Doó Mungú.

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

TLAHHOÓ LAÁWI 19:4

«Ma warqawaara' amór munguaá' murslaaqat, tam munguaá murslaaqat mi tlehhitara'. Aníng an AAKOÓ MUNGÚ Munguúhúng.

TLAHHOÓ LAÁWI 26:1

«Slaqsa'aá mungui mi tleehhara', slaqsoó taa hhaásl mu sihhtisaara', laqaá uheemi, laqaá slaqsoó tlaa/aá taa hhaásl baraá yaamuhunge, nee mu i tumbarara'amitara'. Aníng an AAKOÓ MUNGÚ, Munguúhúng.

FAARO 5:22

Ma'aykaá lo'o guruuwók ngu xir'itisiye'.› «/Ameenidá' i o', ‹Amin, Amin.›

Matayo 24:15

«Qoomár kudá' tlaákw oo Hhitusmo bura aandé' aa sihhiít didaádá' hhoohhoó' i alé, kudaádá' aarusmo Danieli aa oó' (heé soomuús gídaabárós ngi tsaahhi),

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

DABE 27:14

Múk tlahhoó Laáwi kaangwí ngu ilahaniisiye' dír múk Israeli sleémeero ar afór ur, ta ooi,

DABE 29:17

Kuungá' slaqsi'ii'ín kudá' ló'wa buhhtamisá' iga aandé' awa munguaá taa tleéhh ar xaai nee tlaa/e, nee peésa nee sahaábu.

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',

DABE 5:8

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

DABE 7:25

Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

HAR'OHUUSE 17:3

Mika peésaadár kumuú wák nee tsiiru gari dír aayoorósí ki/ís, aayoorós guri beér, «Adór kuúng lo'oodá' uwa sleeraaká a tí: Peésaarí an paraátl as AAKOÓ MUNGÚ kawa murslaaqatúr tleehhi, nee peésaarí ngi amoorók i ki/ís.»

HAR'OHUUSE 17:4

Mika peésaadá' ngiwa ki/ís dír aayoorós, aayo peésár tsiire tsár gana hanís dír kareeramo as murslaaqat nguwa tleehhi. Murslaaqatuuwí kuri qaás baraá doó Mika.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›