DABE 26:8 - Biblía Axweesantá Hhohho' ar Mungú 2004

⁸ Naagáy AAKOÓ MUNGÚ, atén tiri duúx baraá yaamaá Misrír wa ale ar /uuruuwós, nee ar dakós kudá' aa tleés, nee ar dae tlaqa, nee ar aleesleemu, nee layu nee muruú waa/oo/amo.

DABE 26:8 Iomraidhean Croise

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

YEREMIA 32:21

Kuúng múk Misri una dae tsát ar layuudá' nee waa/oo/amoodá' taa tléhh, nee mukók oo Israeli nguri dúx ar /uuruuwók, nee aleesleemuwók kudá' úr,

DABE 34:11

Aarusmoó hatlá' i kaahh oo layu nee muruú waa/oo/amo gwaa tleehh, adór kudá' AAKOÓ MUNGÚ aa tleéhh ar dákw Mose baraá yaamaá Misriro dír Farao nee dír sagadiyuuseerós sleémeero nee yaamuuwós sleémeero.

DABE 34:12

Aarusmo i kaahh tumu wák oo muruú waa/oo/amo gwaa tleehh, nee oo dae tlaáq adór kudá' Mose aa tleéhh, dír geeraá múk Israeli sleémeero wa ale.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.