DABE 26:5 - Biblía Axweesantá Hhohho' ar Mungú 2004

⁵ /Aymi'iiká' kiri dír geeraá AAKOÓ MUNGÚ, Munguúwók wa ó', ‹Baabuúeé' a heé Aramu, kudá' aa tonganuumamiis amorqá' nee tiqae, aluuwo iri tláy ay yaamaá Misri, iri amoodá' wa hoót adór dahaaymo. Inós nee múk do'ose, qoomaadae a múk ló'wa niiná, aluuwo inooín niri tlahhiyé' tari xoorór yaariir, nee ar /uuruú koom.

DABE 26:5 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 24:4

Ala tláw ayaarén amór muk'eé' as garmaaeé' Isaka nguwa harér i sleer.»

IIMU/UUNGW 25:20

Isaka kureeriiwós a mibeeri tsiyáhh qoomár Rebeka ngiwa duúx, dasír Betueli, heé Aramu oo Padan-aramu. Rebeka a hho'ór Labani.

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 28:5

Naagáy Isaka Yakobo guri ya/aáw. Inós iri tláy ay Padan-aramu, amór Labani, garmoó Betueli, heé Aramu, hhiyoó Rebeka, aayór ín Yakobo nee Esau.

IIMU/UUNGW 31:20

Yakobo Labani heé Aramu guna al/aáy as nguwa xu'utisiiká adór tleemu ngura ístí tsaát.

IIMU/UUNGW 31:24

Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 31:40

Adoorí an adór nira hoót, tlaatla/aango tsee/amá ina sláqwtí /ón, xweeraawo tsaaqwa ina gu'utér /ít.

IIMU/UUNGW 43:12

Peésár bu'utu sagaáwa tsár wa huwaak dabaahunge, as peésaadá' tinda ki/ís baraá afér mayshu, kawa ki/isa' ar dabaahúng, doóqa kana gunqareés.

IIMU/UUNGW 45:11

Daqaní aníng kuúng u /aymiís, asma kureeraá kooán awa qwari i alií kahhiyá', as kahhó' kuúng nee múk do'oge nee umuúqo gár ta koonda', qwari munduwa tsuú/.› »

IIMU/UUNGW 45:7

Mungú aníng ina geerií huúw as iislaxmór kuungá' nee xwaylarhúng, tawa kumita' hotaawo nee nuwa ba/amis ar ba/amár ur.

IIMU/UUNGW 46:27

Daaqoó Yosefu aa laqwaál baraá yaamaá Misri a tsár kilós. Gawaá adoorihe xwaylár Yakobo ar aa baraá yaamaá Misrír i dat a mibeeri faanqw.

IIMU/UUNGW 47:27

Múk Israeli iri hoót baraá yaamaá Misrír wa alé, dirka ta bay Gosheni, daqaari'iima kari sláy, tari doogín nee tari ló' wa tlaáhh.

IIMU/UUNGW 47:4

Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

TI'INAANGW 1:12

Ala adoodá' inooín múk Israeli ngura slehh'eemisiyé' an adoodá' nira ak tlahhiyé', nee niri tsiyayaaxatiyé'. Múk Misri iri ló'wa da'ayumiiít as xoorór Israeli.

TI'INAANGW 1:5

Sleémeero awa taa doó Yakobo wa laqwaál dinkwaaro a mibeeri faanqw. Yosefu i qaroó baraá yaamaá Misrír i dirii'.

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

HOSEA 12:12

Yakobo aáng ina tláy ay yaamaá Aramu, amoodá' iwa gadiyuús as hare ngiwa slay. Inós bee/aangw guna de'én as hare ngiwa slay.

HOSEA 12:13

Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

Tlehhema'aá ya/Abuuse 7:15

Yakobo iri aweér Misri, iri gwaá' baraadií alé, inós nee baabi'iirene.

DABE 1:10

AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

DABE 10:22

Baabi'iihúng qoomár niwa baraá yaamaá Misrír i tlayé', inooín an muu mibeeri faanqw kilós, ala hám daxta AAKOÓ MUNGÚ, Munguúhúng naa tlahhás adór tsatse/uú gawaá doori.»

DABE 26:4

«Nee kaahamusmoó Mungú qoomaarihe lakwaanti gari gawaá dabaawós wa taataahh gari qaas gawaá kitangwduú ilahhooa oo AAKOÓ MUNGÚ, Munguúwók.

DABE 7:7

«AAKOÓ MUNGÚ kuungá' naa slaiiká nee naa tsawaariiká as kuungá' tunduwa yaariír ta xoordaá hatlae, kuungá' tundun ló'wa niiná ta xoordaá hatlae, kuká' gawaá daanduú yaamií diriiá'.