DABE 26:2 - Biblía Axweesantá Hhohho' ar Mungú 2004

² bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

DABE 26:2 Iomraidhean Croise

2 WAAWITÁ 4:42

Heeko wák oo Ba'al-shalishár daáhh Elisha heé Mungú guri mikaátér mibeeri tsár i huúw, ar taa tleéhh ar balángw geera oo kurkudá' oo angaánoó shayiri nee qiintár angaáno ar guniyadu iwa hatsiya'. Elisha Gehasi guri báy, «Haniiseek dír muu ka /ayi.»

2 QOM'I 31:5

Kaangwí múk Israeli nguwa axaás, daqaari'iimar'ín ngina ló'wa haniisiyé', bu'úngw geera, nee difaái, nee di/i, nee danú, nee muruú hatlá' oo ta hamaareés baraá qamuuín wa alé. Nee umuúqo gár wák baraá mibaango ar umuú gár i kona'a ngina huwiyé'.

2 QOM'I 6:6

Ala hamí daxta aníng gixsár Yerusalemu aga tsawaár dír muu aníng iwa sluufmiisi, nee kuúng Daudi muk'eé' un sawaawuti'iín.› »

NEHEMIA 12:44

Qoomaarihe muu kuna tsawaár oo kutuwoó kuuntáy gu amohhe'eemiís kudá' ta ilahhooárí qamin, ilahhooár bu'úngw geera nee gár wák baraá muruú mibaango, nee muruú tinda baraá qamaá gixsár wa burumburín as kaahamuuse nee múk tlahhoó Laáwi ar adoodá' dabe i kat. Asma múk Yuda kaahamuusér Mungú nee múk tlahhoó Laáwi kudá' gadiyuusa' kiri sa qwalalaá/.

NEHEMIA 13:31

nee ilahhooár migír ngiri oó' kingiwa huwi qoomaadá' hariima nee bu'úngw geera. Aá Munguúeé', án inslawáng as iwa hhooeemáy tlehh.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 23:16

«Slám deelór ur ar bu'úngw geera oo gadiyérhúng tleehhaak, nee ar bu'úngw baraá qamuuhúng daáhh. «Deelór ur ar balangwhúng kuwa burumburiinda' an tlehhá' umuú kurko, qoomár bar bu'úngw gadiyérhúng burumburiindá'.

TI'INAANGW 23:19

«Mamaá geera awa baraá qamuuhúng dahhá' huwaare' baraá doó AAKOÓ MUNGÚ Munguúhúng. «Tam deelmoó niiná oo du'uúm mu humiimara' baraá ilwaá aayorós. »

TI'INAANGW 34:26

«Bu'úngw hhó' oo geera oo balaangw baraá yaamuuhunge un hubá' baraá doó AAKOÓ MUNGÚ Munguúhúng. «Deelmoó leei laqaá oo bee/i mu humimara' baraá ilwaá aayorós.»

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 44:30

Mura' sleémeero kudá' slaqo hhó' oo baris, nee bu'ungwhúng oo geera, nee umuúqo gár ta ilahhooár wa hanisa' dir'eé' ar kaahamuusér Mungú. Slamí male ale dír tara huuríngw eeri'iiká, puuruú har geera ku hanisá' dír kaahamuusér Mungú, as aníng marayhúng ngiwa tsuuq.

ESEKIELI 48:14

Yaamu ki baloó weerisiiká nee ki qasisiiká tam dír hee gaalá, asma yaamuuká' an yaamaá hhoohhoo' nee awa AAKOÓ MUNGÚ, an yaamaá hhoo' ta ak yaamu sleémeero.

TLAHHOÓ LAÁWI 2:12

Bu'uungók oo geera ngu ilahhooár wa húp dír AAKOÓ MUNGÚ, ala ku qaasiiká gawaá kitángw ilahhooa tawa slaahhareeraá tsuuá'.

TLAHHOÓ LAÁWI 2:14

Qoomár ilahhooarók tidár bu'úngw geera bar húp dír AAKOÓ MUNGÚ, masók a tidá' taa /ar'aá aldaá/, laqaá mikaátér taa tleéhh ar puuruú angaánoó taa xoósl.

Rumi 11:16

Mukatmoodá' taa geerií tleéhh barnaxes ku hhoohhoó', as adoodá' kuwa haniís amór Mungú, xwaanteedár mikaáte kara tleéhh sleémeero ka hhoohhoo'. Nee barnaxes dee/aruú xa'ano ku hhohhó', haleemi sleeme ki hhohho'.

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

Rumi 8:23

Ala a muruudá' taa tleéhh kiloseeká. Ala tam atén sleeme a /ifaán baraá muneerene, ateéká' Qeeru ugwa slawaan. Qeeru inós an mamaá geera awa Mungú amoorene. Atén sleeme an ló'wa haraxuaán qoomaadá' Mungú atén tiwa na/iiwós awa kilá' tleehhi, nee slaqoorén kiwa gweeri baraá lawaali'iimaro.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

1 Korinto 15:23

Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

DABE 16:10

Aluuwo deelór ur ar wiikidu ka boo/esá' as AAKOÓ MUNGÚ, Munguúhúng kuwa ilaiwawa/a' ar ilahhooár sla'aari kawa hanisa' ar harqoomoó adoodá' AAKOÓ MUNGÚ, Munguúhúng nura tsuúq.

DABE 18:4

Bu'ungwhúng oo geera un hanisá' dír kaahamuusér Mungú, nee difaái, nee di/i nee se'éngw bee/angwhúng oo taa geerií tlaqé'.

DABE 26:1

«Alaá bara hardaté' baraá yaamuudá' AAKOÓ MUNGÚ, Munguúhúng ni kuungá' i haniisi as kiwa ala', nee tari baraadá' wa hotá',

DABE 26:3

Kuúng ta dír kaahamusmoó Mungú keér, oo gadiyuús qoomaadae, ku beer, ‹Laarí afkueene an dír geeraá AAKOÓ MUNGÚ, Munguúeé' wa oó', adór aníng nira dáh baraá yaamuudá' AAKOÓ MUNGÚ aa lo'ór wa /aáy dír baabi'iirén ngiwa haniisi.›

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

Geehhoeemaá 14:4

Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.