DABE 26:18 - Biblía Axweesantá Hhohho' ar Mungú 2004

¹⁸ Nee AAKOÓ MUNGÚ laarí ooaro gaa gwa/atís adór kuungá' tar mukós oo kilá' adoodá' ngira oó', nee kuungá' gár tunduwa hariím a hara'ayaarós sleémeero an otá'.

DABE 26:18 Iomraidhean Croise

2 SAMUELI 7:24

Kuúng mukók oo Israeli ugwa kángw kilá' wa gawdés as tawa mukók kureerisleém, kuúng AAKOÓ MUNGÚ an Munguín.

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

YEREMIA 13:11

Adoodá' inqwaarír siinootaay ira naga'át baraá afeetlaá hee, an adór múk Israeli nee oo Yuda ngaa laáq, ina gawaaeé' naga'aás, as inooín tawa muk'eé' tleehhiti, as niwa umuueér xu'utiitiya', nee iwa xirfayeemisiya' nee iwa diidi'iimisiya'. Ala inooín aníng iga iiárií qaasi'iiká.› Anuú AAKOÓ MUNGÚ tí ngina oó'.»

TLAHHOÓ LAÁWI 20:26

Kuungá' masók tundu hhohhó' dir'eene, asma anuú AAKOÓ MUNGÚ ti hhoohhoó'. Aníng kuungá' nuna paraátl dír xoordaá hatlae, as kuungá' tawa kwe'eé'.

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 27:10

Gawaá adoorihe afór AAKOÓ MUNGÚ, Munguúhúng iialooeesaak, hara'ayaarós nee kaahirose oohaak, tí laarí naa kuungií hara'ayiím.»

DABE 28:1

«Kuúng barnaxes afór AAKOÓ MUNGÚ, Munguúwók aga iialooés, nee aga ilakaaharés, hara'ayaarí laarí ni kuúngií hara'ayiyiim bara harmagáhh, inós kuúng u iiatleerees baraá xoordaá daanduú yaamuwo.

DABE 28:9

«AAKOÓ MUNGÚ kuúng u xoorór hhoohhoo' tleehh, adoodá' ngira alqadín, kuúng bar hara'ayaarós aga iialooés, nee bar loohirós aga eehát.

DABE 29:13

Inós laarí kuungá' nu gawdes tawa mukós, nee inós tari Munguúhúng, adoodá' ngira lo'ór wa /aáy dír kuungá' nee baabi'iihúng, Abrahamu, nee Isaka nee Yakobo.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.