DABE 26:15 - Biblía Axweesantá Hhohho' ar Mungú 2004

¹⁵ Gimáy daxta baray qaytsitang, iimír didár hotaawók tidá' hhoohhoo' gawaá dooriwo, mukók oo Israeli tsuuqeek, nee yaamuuká' naa atén hanís adoodá' kara ó' dír baabi'iirén, yaamaá diihhooár ilwa nee dane.›

DABE 26:15 Iomraidhean Croise

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

2 QOM'I 30:27

Aluuwo kaahamuusér Mungú nee múk tlahhoó Laáwiwo tari sihhiít muu kway tsuúq, afor'ín kari axaás, firor'ín iri hardát gawaá doori tidá' hhoohhoo', inós iri axaás amoorós tidá' hhoohhoó' wa alé gawaá doori, firor'ín gari ya/án.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 51:18

Siyoni hhooeemií tleehheek ar gurtleemuuwók, koo/ír Yerusalemu tleehheek.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

WARA'AMI 80:14

Aá Munguú Aleesleemusámo, un harhheehhe'eemisaán, ki/áng, qaytsiít gáwtá wa aleeró, sabiíbuuwí i hardaheek kuwa amohhe'es.

WARA'AMI 80:15

Nee hatlituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Tlehhema'aá ya/Abuuse 7:49

‹Aako i kaahi, Doori a dír kitangw'eé' kuduú aleesleemu, nee yaamu a dír ya'aaeé' ngi qaas. Ala doó kuungá' ni aníng i tlehha' a doó adoomá? Laqaá dír án ni hungu/uus a dír adoomá?

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 26:14

Aníng bu'ungwduú ar gár wák baraá muruú mibaango ugwa /ayiiká qoomár niwa tsuunqumiis, nee sleeme ugwa tsee/ií duxiiká tam qoomaadá' tiwa meetagaás, nee bu'ungwduú gár wák baraá muruú mibaango sleeme ugwa hanisiiká dír gi'i. Aníng kuúng ugwa ilaiwawaá/, aá AAKOÓ MUNGÚ, Munguúeé', aníng umuúqo gár iwa hara'ayiindí daanduú bu'ungwduú gár wák baraá muruú mibaango aga iialooeés.

DABE 26:7

Aluuwo atén AAKOÓ MUNGÚ, Munguú baabi'iirén una i /aa/aán nee AAKOÓ MUNGÚ /aa/eerén giri axaás, nee slahh'amuudá' taa slawaán guri ár, nee gadiyeédaá gawdene, nee baramaanirene.

DABE 26:9

Tiri huúw baraá yaamuukaá diihhooár ilwa nee dane.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.