DABE 26:14 - Biblía Axweesantá Hhohho' ar Mungú 2004

¹⁴ Aníng bu'ungwduú ar gár wák baraá muruú mibaango ugwa /ayiiká qoomár niwa tsuunqumiis, nee sleeme ugwa tsee/ií duxiiká tam qoomaadá' tiwa meetagaás, nee bu'ungwduú gár wák baraá muruú mibaango sleeme ugwa hanisiiká dír gi'i. Aníng kuúng ugwa ilaiwawaá/, aá AAKOÓ MUNGÚ, Munguúeé', aníng umuúqo gár iwa hara'ayiindí daanduú bu'ungwduú gár wák baraá muruú mibaango aga iialooeés.

DABE 26:14 Iomraidhean Croise

WARA'AMI 106:28

Aluuwo niri haragwaaiyé' dír múk Ba'ali gu sluufmiís baraá yaamaá Peoriro, fu'unaá ilahhooár muruú taa tsuú/ dír gi'i ngiri /ayiyé'.

WARA'AMI 18:22

Kaahirós sleémeero aga óh, nee hara'ayaarós aga si'iiká.

YEREMIA 16:7

Heé mukdá' tsuunqumiís as qatlór xwayliitér'ín gu muruú /ayma nee ma'aá wahaángwí hanmiís i kaahh as ngiwa gurkwa/asi.

ESEKIELI 24:17

Ala tawo quruú/, ma tseeaar. Heewí aa gwaa' mu sa tsuunqusaar. Ya/ataawók dahaaseek, nee warqamoowók oo saga tseegeek, afkók mu lu/aar, laqaá muruú /aymár tsuunqumis mu /ayaar.»

HOSEA 9:4

Ilahhooár difaái ka sangw dír AAKOÓ MUNGÚ i hanisiiká, tam ngu sangw qwal/atisiiaaká ar ilahhooár muruú ta tsu/i. Ilahhooaar'ín ar muruú ta tsui tari adór mikaátér múk tsuunqumiís. Umuúqo heé gaa /ayi kwaa meetagaás. Asma mikaáter'ín tidá' gár iwa hariin a har qwarkuín gun tse'eemís, i harindaaká kawa baraá doó AAKOÓ MUNGÚ i huwi.

TLAHHOÓ LAÁWI 21:1

AAKOÓ MUNGÚ Mose guri báy, «Kaahamuusér Mungú tidár tlahhoó Aroni ka beer, baraá tla/angwhunge hee mitiwa meetagaás ar tuuár mar'afmoowós ngiwa kwatiiti.

TLAHHOÓ LAÁWI 21:11

Mitiwa meetagaás ar tuua ngiwa kwatiiti tam ar baabuúwós laqaá aayorós.

TLAHHOÓ LAÁWI 7:20

Ala umuúqo heewo oo ta harmeetin oo fu'unaá sleedá' taa ilahhooár waydú wa gaás dír AAKOÓ MUNGÚ gaa /aay, ku baynitisi dír xooroorós ar Israeli sleémeero.

MALAKI 2:13

Tí sleeme an tlehhitá', kitangwduú ilahhooa, un tuntukuundá' ar hhirhheeri, nee ar /aa/e, nee ar /ifo, asma ilahhooarhúng gan sangw ilaoohiiká ar qwala/.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 15:5

barnaxes kuungá' aga dír AAKOÓ MUNGÚ, Munguúhúngí iialooesé' nee hara'ayaarí laarí ni dirhúng i kah bara ló'wa harmagahhé' kawa ota'.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 26:13

Naagáy aluuwo tari geeraá AAKOÓ MUNGÚ, Munguúwók wa ó', ‹Boohharí hhoohhoo' ngina amór dooeé' wa huúw, ngiri haniís dír tlahhoó Laáwi, nee dír hoomár ayaarén hoot, nee na/aá panaay nee /ameenár kwaeeli, adoodá' kuúng aníng ira hara'ayiín. Aníng hara'ayarók aga si'iiká laqaá aga gunqareesiiká.

DABE 26:15

Gimáy daxta baray qaytsitang, iimír didár hotaawók tidá' hhoohhoo' gawaá dooriwo, mukók oo Israeli tsuuqeek, nee yaamuuká' naa atén hanís adoodá' kara ó' dír baabi'iirén, yaamaá diihhooár ilwa nee dane.›