DABE 26:13 - Biblía Axweesantá Hhohho' ar Mungú 2004

¹³ Naagáy aluuwo tari geeraá AAKOÓ MUNGÚ, Munguúwók wa ó', ‹Boohharí hhoohhoo' ngina amór dooeé' wa huúw, ngiri haniís dír tlahhoó Laáwi, nee dír hoomár ayaarén hoot, nee na/aá panaay nee /ameenár kwaeeli, adoodá' kuúng aníng ira hara'ayiín. Aníng hara'ayarók aga si'iiká laqaá aga gunqareesiiká.

DABE 26:13 Iomraidhean Croise

WARA'AMI 119:139

Sla'aarír axweesantók án i tliw/iín nee an qa/imiít, asma wakuuser'eé' axweesantók ga gaárí xu'uká.

WARA'AMI 119:141

Aníng ti niiná, ti waaqaqaa'. Tam adoorihe hara'ayarók a gunqareesaaká.

WARA'AMI 119:153

Baraá slahh'amaayer'eene i qaytsitáng, tu/áng asma dabeerók aga gunqareesiiká.

WARA'AMI 119:176

A tonganuús adór bee/ír aa qwat, leeleehháng anuú sagadiyusmoowók, asma hara'ayarók aga gunqaareesiiká.

WARA'AMI 119:93

Hara'ayarók a baloó gunqareesaaká eeharto asma iga slafíngwí hanís.

WARA'AMI 26:6

AAKOÓ MUNGÚ, aníng dabaaeé' in hamaátl as niwa dakuúsár koomaaká, nee dír ilahhooa kuwa hanmamisi ngiwa harweer.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:31

Mungú, Baabuú Aako Yesu, kudá' xiríf ay alhhe'eesay wasle, inós ga xuu' adór aníng lama ngir kaahaaká.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 26:12

«Umuúqo kurkú tame, umuúqo heewo dirhunge baraá bu'ungós sleémeerowo, ar wák baraá mibaango gan haniis as tlahhoó Laáwi, nee hoomoó ayaahúng hoót, nee na/aá panaay nee /ameenár kwaeeli, as inooín muruú /ayma, nee umuúqo gár taqo slai kawa slay, qoomár barta baraá yaamuuhúng i dirii'.

DABE 26:14

Aníng bu'ungwduú ar gár wák baraá muruú mibaango ugwa /ayiiká qoomár niwa tsuunqumiis, nee sleeme ugwa tsee/ií duxiiká tam qoomaadá' tiwa meetagaás, nee bu'ungwduú gár wák baraá muruú mibaango sleeme ugwa hanisiiká dír gi'i. Aníng kuúng ugwa ilaiwawaá/, aá AAKOÓ MUNGÚ, Munguúeé', aníng umuúqo gár iwa hara'ayiindí daanduú bu'ungwduú gár wák baraá muruú mibaango aga iialooeés.

1 Tesalonike 2:10

Kuungá' a lamabu'uuseerén, tam Mungú sleeme, adór atén tara tla/ángw kuungaásingaá haratlintaauusér wa hootaán ar slafíngw hhohhó' nee oo ganaá', nee slám aga dakuusaniiká.