DABE 26:12 - Biblía Axweesantá Hhohho' ar Mungú 2004

¹² «Umuúqo kurkú tame, umuúqo heewo dirhunge baraá bu'ungós sleémeerowo, ar wák baraá mibaango gan haniis as tlahhoó Laáwi, nee hoomoó ayaahúng hoót, nee na/aá panaay nee /ameenár kwaeeli, as inooín muruú /ayma, nee umuúqo gár taqo slai kawa slay, qoomár barta baraá yaamuuhúng i dirii'.

DABE 26:12 Iomraidhean Croise

IIMU/UUNGW 47:24

Ala qoomár bu'uungo boohhár wák baraá bohhaá kooane ka Farao i haniisá'. Bohhaá tsiyáhh a koohúng, as tawa dahaasíngw qamuuhúng, nee muruú /aymarhúng nee oo múk dír marayhúng wa hoót, nee muruú /aymár na/iihúng.»

IIMU/UUNGW 47:26

Gawaá adoorihe Yosefu adoorí gari dawa tleéhh baraá yaamaá Misriro, tawa gár hariim umuú heewo, baraá bohhaá kooán awa bu'uungo, ar wak ngiwa haniisi dír Farao. Dakwí i daadeer tam laarí baraá Misriro. Ala yaamaá kaahamuuse kilooín kina tlaxwiiká, as kiwa daqaari'iimár Farao tleehhi.

AXWEESANOÓ SAGALOOA 14:21

Heé inslaawmoowós gu waaqaqaá' i tlakweemaá tlehhiit, Ala heé narkutmo gu gurtlatláw ku amohhoó'.

TLAHHOÓ LAÁWI 27:30

«Ilahhooadár gár wák baraá mibaango ta Mungú i hanmamisi ar balaangw, laqaá na/aá xaai, sleémeero ar AAKOÓ MUNGÚ, kaa hhoohhooeés as AAKOÓ MUNGÚ.

FAARO 18:24

asma ilahhooadár gár wák baraá muruú mibaango, tidá' múk Israeli ni hanmisi, aníng aga haniís as tawa aalir'ín. Gaarí an gár nisa oó', ‹Inooín aalír ta kon i káhh baraá tla/ángw Israeliwo.› »

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

Ebrania 7:5

Baraá na/aá Laáwiwo bahh'alé a kaahamuuse. Inooín hara'aya gaa ádbeér ilahhooa kawa ohin, gár wák baraá umuúqo muruú mibaango, dír múk wa ale. Muruuwí dír kuwa ohin a dír hhaeeín, ala tam inooín a xwaylár Abrahamuwo.

Ebrania 7:9

Slám i ya/aán ooaro adór Laáwi sleeme, kudá' ilahhooár ohaahiím, inósuú kilá' ilahhooa ngira haniís sleeme, gár wák baraá umuúqo muruú mibaango, qoomár Abrahamu ilahhooa ngiwa haniís.