DABE 25:8 - Biblía Axweesantá Hhohho' ar Mungú 2004

⁸ Daqaní bariisér gixsadá' hhiyaadá' ngu atet as tawa axweesi nee inós. Barnaxés i adoodár si'imií kaahh, /ameenidá' ngiwa duuxiiká,

DABE 25:8 Iomraidhean Croise

DABE 25:7

Barnaxes hhiyaaduú heedaádá' aa gwaa' kwaalo'oodá' aaliro ga slaiiká, naagáy /ameenidár kwaalo'o i tleer dír geeraá bariisér gixsa, nee i o', ‹Hhiyoó hhawaatuueé' aa sií' doó hhiyaawós kudaá gwaa' tleesaro baraá Israeliwo. Hariimadá' inós tawa hhiyoó hhawaatuueé' tleehhamooro gaa sií'.›

DABE 25:9

/ameenidár kwaalo'o ngu dír geeraá bariisedá' wa ya/ati dux, ngu gitsee/a i tsuq nee ngu beer, ‹Adoorí an adór hariim kawa tleehhi dír heé doó hhiyaawós gwaa sii' tleesaro.›

RUTI 4:4

Aníng kuúng una kaangwí xu'utisár wa slaá'. Kuúng bar tlaxór wa slá', tlaxweegáy dír geeraá bariiseerí aa diirí iwit, as inooín tawa lamabu'uuse. Bar tlaxór wa slá', tlaxweek. Bar tlaxór wa sla'aká, adá diirí wá ooang as án ngiwa xuu'. Daqaní aníng a tlaáxw. Asma heé hatlá' oo hariím i kaahh. Kuúng a heé geera. Bar kuungeeká, daqaní a aníng.» Inós iri oó', «Aníng a tlaáxw.»

RUTI 4:6

Heedaádá' tseéw baraá guruú doó Elimeleki iri oó', «Bar adoosíng aníng a aleeslawaaká. Asma bar aga tlaáxw, aalír na/iieé' aga /aareés. Kuúng tlaxweek, aníng a sla'aaká ngiwa tlaaxw.»

RUTI 4:7

Baraá múk Israeliwo a gár alhotaari iimír aange, hee bar qaymo ngi tuu/ dír heewo, laqaá birngi waa'alah, a ya/atír wák gan duux gari haniis amór heedaádá', as kawa laqan adór tar ló', nee adór axweesani kara faák.