DABE 24:3 - Biblía Axweesantá Hhohho' ar Mungú 2004

³ hhawaatuuduú tsár birnga duúx, aluuwo gari talaákárí haniís, gari guus dír do'ose, laqaá barnaxes hhawaatuuduú tsár gaa duux aa gwaá',

DABE 24:3 Iomraidhean Croise

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

Matayo 5:31

«Adoorí sleeme kaa oó', ‹Hee bar hareerós gaa guús, ngi talaákár i haniisi.›

Marko 10:4

Tari oó', «Mose ina ya/án hee hareerós ngiwa talaákár i haniisi.»

DABE 24:1

«Barnaxes hhawaata /ameeni gaa duúx, aluuwo gari sií', asma gár muunaáwose i slaiiká gaa tléhh, naagáy gari talaákárí haniís, gari guús dír do'ose, aluuwo /ameenidá' iri diyaa/át,

DABE 24:2

/ameenidá' kari duux nee hhawaatuú hatlá',

DABE 24:4

naagáy hhawaatuuduú geera /ameenidá' ngiwa inki/i tawa male hareerós i hariindaaká, asma kaa qaroó meetagaás. Adoorí biringa tleéhh, dír AAKOÓ MUNGUHE a gár tlaakw. Gawaá adoorihe yaamuudá' AAKOÓ MUNGÚ, Munguúhúng naa kuungií haniís as kiwa ala' mi tlakweemár awaara'.