DABE 24:21 - Biblía Axweesantá Hhohho' ar Mungú 2004

²¹ Qoomár bar sabiíbuú bu'uundá', ma alií ki/aara' mamaá sabiíbu kudá' naa meetiye' mi alhhe'eesár awaara', mawaak dír hoomaadá' ayaahúng hoot, nee na/aá panaay, nee /ameenár kwaeeli.

DABE 24:21 Iomraidhean Croise

OBADIA 1:5

Fisuuse bar naa fiisór eér, laqaá malguuse bar xweeraawo iga haraadát, xáy, harqoomoó tar tlay aqo kudá' ni aleeslay'aakáhe ar tleemuuwo. Múk sabiíbuú bu'uúm bira bu'úngw áy, ahaá, sabiíbu lo'o qwaareesa ku geexaykáhe. Ala wakuuseerók do'ók gun paapa/ás.

DABE 24:19

«Qoomár bar qamuuhúng fiqitá', ufeedá' taa gunqaaresé' baraá qaymoórí ale, ma leehhara'. Tidá' aa met an meerá' as hoomár ayaahúng hoot, nee na/aá panaay nee /ameenár kwaeeli, as AAKOÓ MUNGÚ, Munguúhúng nuwa tsuuqi baraá gadiyeduuhúng sleémeero.

DABE 24:20

Barnaxes a mamaá seituúnír bu'uundá', ma male ki/aara' tidá' aa met kawa lehha'. Tidá' aa met an meerá' as hoomaadá' ayaahúng hoot, nee ar na/aá panaay, nee /ameenár kwaeeli.

DABE 24:22

Inslawiimé' adoodá' kuungá' aáng tar lawaale baraá yaamaá Misriro. Gawaá adoorihe án kuungá' na ádbáw adoorí kawa tlehha'.»