DABE 24:2 - Biblía Axweesantá Hhohho' ar Mungú 2004

² /ameenidá' kari duux nee hhawaatuú hatlá',

DABE 24:2 Iomraidhean Croise

ESEKIELI 44:22

Kaahamusmoó Mungú /ameenír kwaalo'o mingiwa duúx, laqaá tam /ameenír taa talaákaárí haniís, ala inós masók aqo dasír nee hhawaata naa baloó alqati'iiká ar múk Israeli, laqaá /ameenír hhawaatuuwós kaahamusmoó Mungú, hhawaatuuwós kuú kaahamusmo bira gwaá' ngi duuxi.

TLAHHOÓ LAÁWI 21:14

I ya/aandaaká /ameenír kwaalo'o ngiwa duuxi, laqaá /ameenír duuxoorós ngaa gas, laqaá ar nee hhawaata taa alqaat, laqaá tsaatuso'o. Inós ar i duuxi ar xoorór Israeli tidá' nee hhawaata taa baloó alqaatiiká, tidá' baraá tlahhaywós daahh.

TLAHHOÓ LAÁWI 21:7

Kaahamusmoó Mungú kwaa paraátl as Munguúwós, /ameenír tsaatuso'o ló' mingiwa duúx, laqaá dasír nee hhawaata taa alqaat, laqaá ar hhawaatuuwós naa talaákár i haniís.

TLAHHOÓ LAÁWI 22:13

Ala barnaxes dasír kaahamusmo a kwaalo'o, laqaá duuxo ngaa gás, slám i na/oó koondaaká, nari dír doó baabuúwós i kí/, a adór qoomár tawa /amaatlito'o, i ya/aán muruú /aymár baabuúwós nguwa /ak. Tam adoosinge heé doó kaahamusmoowooká i ya/aandaaká muruú /aymarí nguwa /ayi.

FAARO 30:9

«Ala al'axweesantá tseegamo, laqaá umuúqo al'axweesanto ar /ameenír kwaalo'o aa qás, laqaá aa ó', laqaá tam /ameenír hhawaatuuwós aa sií' bar al'axweesantós gaa ó', laqaá gaa qás, al'axweesantí i adoodií káhh.

Matayo 5:32

Ala án a kah, hee bar hareerós gaa guús, ala as tlehhemuú fuqtooká, /ameenidá' aa fuqús as hhawaatuudá'. Nee heé /ameenidá' taa guús gaa duux, heedaádá' sleeme aa fuquús.»

Marko 10:11

Yesu giri báy, «Umuúqo heewo oo hareerós gaa guus, iri harér hatlá' duúx, hareerós gaa sadakuús as fuqi.

1 Korinto 7:15

Ala hhawaatuuduú krishaanmowooká barnaxes hareerós ga talaákár i haniisár wa slaa', ngi haniisi. Laqaá hareedár krishaanto'oorooká barnaxes hhawaatuuwós gu geexeemuú wa slá', ngu geexeer. Asma hhawaatuuduú krishaanmo, laqaá hareedár krishaanto'o, inooín kaa tseegiiká nee hara'aya baraá muruuwihe. Mungú atén tina ateét as tawa hootaan ar wayda.

DABE 24:1

«Barnaxes hhawaata /ameeni gaa duúx, aluuwo gari sií', asma gár muunaáwose i slaiiká gaa tléhh, naagáy gari talaákárí haniís, gari guús dír do'ose, aluuwo /ameenidá' iri diyaa/át,

DABE 24:3

hhawaatuuduú tsár birnga duúx, aluuwo gari talaákárí haniís, gari guus dír do'ose, laqaá barnaxes hhawaatuuduú tsár gaa duux aa gwaá',