DABE 24:18 - Biblía Axweesantá Hhohho' ar Mungú 2004

¹⁸ Inslawaak adór kuungá' aáng tar lawaale baraá yaamaá Misriro, nee AAKOÓ MUNGÚ, Munguúhúng nuna tuú/ baraadá' wa ale. Gawaá adoorihe án kuungá' nu baw, adoorí tleehhaak.

DABE 24:18 Iomraidhean Croise

TI'INAANGW 22:22

Kwaalo'o ma slahh'eemisaar, laqaá na/oó panmo.

TLAHHOÓ LAÁWI 19:33

«Hoomo bir baraá yaamuuwók i dirii', mu gár tlaákw i tleehhaar.

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

DABE 16:12

Tí inslawaak, adór kuungá' aáng tar lawaale baraá yaamaá Misriro, gimsé' kaahirí ló'wa harmagahhaak kawa ota'.

DABE 24:17

«Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 24:19

«Qoomár bar qamuuhúng fiqitá', ufeedá' taa gunqaaresé' baraá qaymoórí ale, ma leehhara'. Tidá' aa met an meerá' as hoomár ayaahúng hoot, nee na/aá panaay nee /ameenár kwaeeli, as AAKOÓ MUNGÚ, Munguúhúng nuwa tsuuqi baraá gadiyeduuhúng sleémeero.

DABE 24:22

Inslawiimé' adoodá' kuungá' aáng tar lawaale baraá yaamaá Misriro. Gawaá adoorihe án kuungá' na ádbáw adoorí kawa tlehha'.»

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.