DABE 24:17 - Biblía Axweesantá Hhohho' ar Mungú 2004

¹⁷ «Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 24:17 Iomraidhean Croise

YOBU 22:6

Hhiyaawók una tawo arhaáni ót, inós gaarók ar i kon iqo káhh, tlawuuwós kudá' wák i kon una arhaánír wa ót, inós gár i tsiiti i káhh.

YOBU 24:3

Daqoó heé panmo ngun ar tlayá', Awuú /ameenír kwaalo'o ngun arhaánír wá ar tlayá'.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

TI'INAANGW 23:2

Boo/oó muu oo tlakweemaá tlehhtuú áw mu eeharaharaar, sleeme miti alkoomara' nee boo/aydá' lamabu'úngw lama gu duuxár áw baraá kwasleema as gan'amuú hee nguwa qwaareesiya'.

TI'INAANGW 23:6

«Gan'amuú narkutmo mu qwaareesaar baraá kwasleemarose.

TI'INAANGW 23:9

«Hoomoó baraá tla/angwhúng hoót mu baramaanuusara', asma kuungá' adór hotaá dah'iima i dirii'iya' a xuá'. Asma kuungá' aáng sleeme dah'iima ana /agé' baraá yaamaá Misriro.»

AXWEESANOÓ SAGALOOA 31:5

Asma kahhó' dabe mingiwa gunqareesiyé', As kahhó' kwasleemár heé slahhahhaá' makawa hhitín.

DAHARUSMO 5:8

Ala ma waa/oo/amór wa araar baraakaá yaamuwo bara aán múk liitlakwén ku baramaanuus nee hariímar'ín kaa hayóh dir'ine. Umuú heé múk litlaakwén /aytiím, heé úr dír inose i deer, tam dír múk urene múk dir'ine uren i deer.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

YEREMIA 22:3

Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

ESEKIELI 22:29

Umuú dii baraá yaamuwo a /ayta ina háts nee muruú iimi hayohiingw. Múk narkuute nee oo litlakwén ngun /aytiná', nee dahaaye sleeme kan baramaanuús, tam hhaslór niiná i káhh.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

TLAHHOÓ LAÁWI 19:33

«Hoomo bir baraá yaamuuwók i dirii', mu gár tlaákw i tleehhaar.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

SEKARIA 7:10

Slám kwaalo'o ma baramaanusaara' laqaá panaay, laqaá hoomoó ayaahúng hoót, laqaá narkutmo, laqaá hee inslawoó tlákw munguwa áy baraá muunaáwose daanduú hhiyaawose.›

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Luka 3:14

Askaári sleeme guri yaahás, iri ó', «Atén sleeme, adór ta laqaan?» Giri báy, «Hee mu hara/untsimaara', laqaá mu sakwasleemuutara' ar lama. Bu'utuuhúng ar bu'uutaak.»

DABE 1:17

Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

DABE 24:13

Umuú tsiindoowo inqwaaridár arhaáni ki/imiseek, as inós ngiwa tsiiti nee kuúng uri tsuuq. Adoorí bara tléhh, adór ganaa' aga tléhh dír geeraá AAKOÓ MUNGÚ, Munguúhunge.

DABE 24:18

Inslawaak adór kuungá' aáng tar lawaale baraá yaamaá Misriro, nee AAKOÓ MUNGÚ, Munguúhúng nuna tuú/ baraadá' wa ale. Gawaá adoorihe án kuungá' nu baw, adoorí tleehhaak.

DABE 24:6

«Hee tlaa/ár xoosliingw, laqaá tlaa/anoó xoosliingw munguwa arhaánír wa óh, asma adoorí bara tléhh, a adór heé slafíngw hee gwaa arhaánír wá oh.

DABE 27:19

«Umuúqo heé hariímár hoomoó ayaahúng hoót, laqaá ar na/oó panmo, laqaá ar /ameenír kwaalo'o gaa paslis, kwaa lu'ús.» «Nee muu sleémeero ta ooi, ‹Amin.»

Yakobo 2:6

Ala kuungá' liitlakusmo una mureekesé'. Múk kuungá' nu slahh'eemiís nee nu huwahuúw baraá maraá kwasleema, a daqaareéroóke?