DABE 24:16 - Biblía Axweesantá Hhohho' ar Mungú 2004

¹⁶ Xwaylité makawa tsuú/ as daanduú tlakweemaá na/ii'ín, laqaá na/ii mikiwa tsuú/ as daanduú tlakweemaá xwaylitér'ín. Umuú hee aqo kun gaas as dakuúsarós kilós.

DABE 24:16 Iomraidhean Croise

2 QOM'I 25:4

Ala na/ii'ín gaa tsu/iiká, as adoodá' kara gooín baraá kitaábuú dabér Mose, tidá' AAKOÓ MUNGÚ iwa kaahi, «Xwayliité ka tsu/iiká as tlakweemaá na/ii, laqaá na/ii ki tsu/iiká as tlakweemaá xwayliité, ala umuú heewo kun gaas as tlakweemaawós.»

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

FAARO 26:11

Tam adoorihe daaqoó Kora aa qatliiká.)

1 SAMUELI 22:16

Waawutmo iri oó', «Gám kuúng Ahimeleki nee múk doó baabuúwoge adór tawa pa/a' qatlooro iqo káhh.»