DABE 24:15 - Biblía Axweesantá Hhohho' ar Mungú 2004

¹⁵ Umuú deelooro dír looa ira datiká bu'utuuwós, asma inós a narkutmo bu'utuuwí an gár inós ir hooti, bar adooriheeká AAKOÓ MUNGÚ gun i /aa/aá áy as kuúng, nee kuúng tari dát baraá dakuús.

DABE 24:15 Iomraidhean Croise

YOBU 31:13

Barnaxes kwasleemár lawaalmoó dooeé' aga waaqaá', laqaá tam ar lawalo'ór dooeé' sleeme, qoomár niwa dir'eéní qununu/iya',

YOBU 31:38

Áx yaamaá ni /aay awa qo hara/uuntsáwo, nee digeemiiwós iqo tsuunqumiisía as aníng?

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

YOBU 35:9

/Ayta bira tláhh, muu in /aa/amín, /iisara ngin firiná' amór heé /uuruú koóm.

YOBU 7:2

Inós aqo adór lawaalmoó mahhtír ilaatleeruús. Laqaá adór sagadiyusmoó bu'utuuwós damaaraám ar haayi.

WARA'AMI 24:4

«A heé daba' hhohhó' nee oo muunaáwós /awaák. Inós munguaá hatlá' gi slaiiká sluufmisuuwo, inós lo'o ga /ayiiká as al/ayma.

WARA'AMI 25:1

AAKOÓ MUNGÚ, aníng kuúng u fiririím.

WARA'AMI 86:4

Muunuú sagadiyusmoowók qwal/aseek, aníng ti amoorógí haniís, Aakoó Mungú.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

YEREMIA 22:13

A tsaxwaawós heedaádá' do' gwaa tleehh ar /ayta, yooraywós guri doók ar hara/uuntsa, kudaádá' muu gu tawó ar gadiyuús, ala gu bu'unká.

TLAHHOÓ LAÁWI 19:13

«Inslaawmoowók mu hara/untsimaar, laqaá mu gaa fiisaar. Slaqwér heé aa gadiyuus miwa dirók wa iwiiwít xweera sleémeero ay matlaatle.

TLAHHOÓ LAÁWI 25:35

«Barnaxes hhiyaawók a narkutmoó ti aleeslawaaká amohhe'eemisuuwo, a gár hariim kuwa amohhe'es as iwa kumiiti slafiingo, amohhe'eemiseek tawa adór dahaaymo nee aausmo diroge.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 20:8

«Qoomár looa iwa dát, aakooduú qaymo loó' sageesihhitusmoowós guri báy, ‹Doosluuse ateeteegáy, bu'utuuín haniiseek. Bu'utu ku iimu/uún dír kudá' naa aluú wa hardah, nee daqaní ku alhhe'és dír kudá' naa geerií hardah.›

Marko 10:19

Ahaá baré hara'aya a xú', ‹Hee muu gaasaar, Ma fuquusaar, Ma fisisiimaar, Lamabu'úngw lama mu kaahaar, Ma al/agiimaar, Baabuúwók nee aayo ilaiwawa/eek.› »

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

1 Timoteo 5:18

Asma Gooi i kat, «Awuú gadiyuús mu afa tseegaar,» nee slám i kat, «Heé gadiyuús i harín bu'utu nguwa slay.»

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.