DABE 24:1 - Biblía Axweesantá Hhohho' ar Mungú 2004

¹ «Barnaxes hhawaata /ameeni gaa duúx, aluuwo gari sií', asma gár muunaáwose i slaiiká gaa tléhh, naagáy gari talaákárí haniís, gari guús dír do'ose, aluuwo /ameenidá' iri diyaa/át,

DABE 24:1 Iomraidhean Croise

TI'INAANGW 21:10

Hee bar harér hatlá' gan duxuut, muruú /ayma nee tlaba' nee qatuú dír hareedá' ur munguwa /aareés.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

MALAKI 2:16

AAKOÓ MUNGÚ, Munguú múk Israeli i kaahi, «Asma aníng s a sla'aaká hee hareerós ar bi/i ngiwa huushi si'imawo. Aníng alsi'imuú adór kwí u aáhh, hee tumu wák hareerós ar bi/i ngiwa huushi si'imawo.»

FAARO 5:12

«Múk Israeli baweek: Barnaxes heeko hareerós aa hhiturút nee aa inkihhimu waslés dír hhawaatuwose,

FAARO 5:28

Ala barnaxes /ameenidá' taa slasla/areská nee i dakuúsár koondaaká, inós gár ga aw i káhh, nee aqo na/ii gin sleér.

Matayo 1:19

Yosefu, hhawaatuú Maria, a heé ganaá', nee gaa slaiiká ngiwa mureekeesi. Iri baraá muunaáwósí oó', «A qawtí máw.»

Luka 16:18

«Umuúqo heewo oo hareerós gaa guus, iri harér hatlá' duúx, aa fuquús. Nee bar hee /ameenír hhawaatuuwós aa guús nga duúx, aa fuquús.»

DABE 21:15

«Barnaxes siwirkaaro hhawaatuuko tlaawaywós ngu kon a tsár, nee inós ar wák gan slaa' ta tiqár hatlae, nee /ameenarí inós gwa na/aá daaqáy laqwál, nee na/oó taa geerií laqwaál a oo /ameenidá' inós i slaiiká,

DABE 22:13

«Barnaxes hhawaata /ameeni gaa duúx, aluuwo gari sií',

DABE 22:19

Nee heedaádá' sleeme ngun doohhisiyá' ar parhheemaá peésár tsiiruú wák, (kiri haniis dír baabuú dasiidá') asma hhawaatudá' dasír Israeli ar nee hhawaata naa alqati'iiká gaa tawo lámtí tsaát. Nee /ameenidá' aqo an hareerós, si'iimaawo ga baloó aleeslayká baraá hotaawós sleémeerowo.

DABE 22:29

hhawaatuuwí baabuú dasiidá' gun buu' ar parhheemaá mibeeri kooán awa peésa, asma dasiidá' gana /uurúr óh, nee dasiidá' aqo an hareerós, as ma adoodá' ngiwa alsi'imúr áy i baloó ya/andaaká ngiwa si'i baraá slafiingós sleémeerowo.

DABE 24:2

/ameenidá' kari duux nee hhawaatuú hatlá',

DABE 24:3

hhawaatuuduú tsár birnga duúx, aluuwo gari talaákárí haniís, gari guus dír do'ose, laqaá barnaxes hhawaatuuduú tsár gaa duux aa gwaá',