DABE 23:8 - Biblía Axweesantá Hhohho' ar Mungú 2004

⁸ Xwaylar'ín ar sagaáwa tám tam i ya/aán kawa dahaasi baraá dinku'uumár múk AAKOÓ MUNGÚ.

DABE 23:8 Iomraidhean Croise

IIMU/UUNGW 25:25

Oo geera ku daa/aát, nee slaqwtós i se'éngw koón, kway báy Esau.

IIMU/UUNGW 25:26

Oo tsár kuwa laqwaál, Esau ngwa koolo óh, kway báy Yakobo. Isaka kureeriiwós a mibeeri lahhoó', qoomár Esau nee Yakobo kiwa laqwaál.

1 WAAWITÁ 3:1

Solomon nee Farao waawutmoó Misri mar'afi kana sláy as dasír waawutmoó Misri ngiwa duúx, gari huúw baraá gixsár Daudi, ay qoomár do'ós nguwa hhe'eés tleehhamooro, nee Doó AAKOÓ MUNGUHE, nee koo/ír Yerusalemu ngiwa harweér.

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

TLAHHOÓ LAÁWI 19:34

Hoomtuudá' nee kuúng an alhotá', tari adór yaamuloousmo diroge, ku slá' adór kuúng tir kilók sla'. Asma kuúng aáng a hoomtu baraá yaamaá Misriro. Aníng an AAKOÓ MUNGÚ, Munguúwók.

OBADIA 1:10

Asma tlakweemaadá' taa tléhh dír hhiyaawók Yakobo, alsi'imu in oh, kiíng tari suqút ay alhhe'eesay wasle.

DABE 10:19

Gimsé', daxta dahaaye sla'aak, asma aáng kuungá' sleeme a dahaaye baraá yaamaá Misriro.

DABE 23:7

«Múk Edomu mu ahhitara', asma mukwí a hhaeehúng. Sleeme múk Misri mu ahhiitara', asma kuungá' ana baraá yaamuuín wa hoté' adór dahaaye.

DABE 23:9

«Bara slaqwarár eeré', xafaay kuri tlehhé', umuú hee ti harmagaahhi, baraá muruú tlakwe.

1 SAMUELI 30:11

Mukdaádá' nee Daudi ti koomá', heeko wák oo yaamaá Misri kuna harati'iít baraá xaanxáy ale, kuri huúw amór Daudi. Heewí kuri muruú /aymaárí haniís nee ma'aay.