DABE 23:6 - Biblía Axweesantá Hhohho' ar Mungú 2004

⁶ Gawaá adoorihe, baraá hotaahúng sleémeero kuká' mi baloó alee/isaara' as wayda nee diihhooa ngiwa slaya'.

DABE 23:6 Iomraidhean Croise

2 SAMUELI 12:31

Aluuwo múk gixsadá' guri ar tláy, giri qaás baraá gadiyeé. Xooslaá tar gadiyuusi a kuká': Masmeenadu nee sururuú muqsla, nee tsabuuwo, nee gadiyér matofaáli da/a/aangw kawa tleehhi. Adoorí an adór aa tlehhiít baraá gixsadu sleémeero awa múk Amoniwo. Alhhe'eesaywo Daudi nee muu sleémeero tari kií/ Yerusalemu.

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 24:10

Balaki iri qa/iít buhhtaawo amór Bala'amu, tsa/aá daba' giri slaáhh buhhtaawo, iri oó', «Án kuúng una ateét as wakuuser'eé' kawa lu'us, ala ga/aaweek kuúng ina tsúq ay sagaáwa tám!

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.