DABE 23:5 - Biblía Axweesantá Hhohho' ar Mungú 2004

⁵ Ala AAKOÓ MUNGÚ, Munguúhúng Bala'amu gwa iiárií qaasiiká, kitaangose Mungú lo'oodá' gana warqeés tawa tsuuqa dirhunge, asma AAKOÓ MUNGÚ, Munguúhúng kuungá' nuna ló'wa slaá'.

DABE 23:5 Iomraidhean Croise

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

NEHEMIA 13:2

Asma múk Israeli qoomár niwa baraá yaamaá Misri wa ti'iít ngaa muruú /aymár i hanisi'iiká laqaá tam ma'aá wahaangw, kitaangose a Bala'amu nguna buiyé' as múk Israeli nguwa lu'usi, ala Munguúrén lo'oodá' gana warqeés tay tsuuqa.

WARA'AMI 73:1

Ar ló', Mungú ku hhoó' dír Israeliro, dír kudá' muner'ín hhohhoe.

AXWEESANOÓ SAGALOOA 26:2

Adoodár pareeqamo nee sooriro ir tlatlaya' ar hhampe'eeri'ín, tam lo'ór gaa wasl sleeme hee gu /agká.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

FAARO 22:35

Ala malaykamoó AAKOÓ MUNGÚ Bala'amu guri báy, «Tláw nee mukwí, ala gár ta o' a tidá' kilós ugwa báw.» Naagáy, Bala'amu tari alkumiít aaiwo dinkwa nee geeraharuusér Balaki.

FAARO 22:5

Balaki ya/abuuse gari ya/aáw amór Bala'amu, garmoó Beori, amór yaamaá Petori, iisapoó yaaér Eufrate, amór yaamaá Amawi. Bala'amu kuri báy, «Xoororka Misrír daahh yaamu gina al'ót, slám yaamuueé' ki hayohár wa slaa'.

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

Rumi 11:28

Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

Rumi 9:13

Asma tí kaa gooín, «Aníng Yakobo una slaá', ala Esau una aáhh.»

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

DABE 2:29

Yaaér Yordani a waarahhaán nee tawa dahaan baraá yaamaá AAKOÓ MUNGÚ, Munguúrén ni hanmiisi. Na/aá Esau kudá yaamaá Seiri nee múk Moabu kudá' baraá Ari atén tina ya/ané' tawa waarahhaan baraá tla/ángw yaamuuín ar ale.›

DABE 33:3

Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

YOSHUA 24:10

Ala aníng firór Bala'amu ana sií', inós kuungá' nuri tsuúq. Gawaá adoorihe aníng kuungá' nuri baraá dabaá Balaki wa tuú/.