DABE 23:4 - Biblía Axweesantá Hhohho' ar Mungú 2004

⁴ asma qoomaadá' kuungá' niwa baraá yaamaá Misrír wa ti'ité', inooín kuungá' naa baraá loohírí al'ayi'iiká ar muruú /ayma nee ar ma'aay. Ala inooín Bala'amu garmoó Beori kuduú Petorír daáhh, tidár baraá yaamaá Mesopotamia, nguna tlaxwiyé', as kuungá' nuwa lu'usi.

DABE 23:4 Iomraidhean Croise

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

NEHEMIA 13:2

Asma múk Israeli qoomár niwa baraá yaamaá Misri wa ti'iít ngaa muruú /aymár i hanisi'iiká laqaá tam ma'aá wahaangw, kitaangose a Bala'amu nguna buiyé' as múk Israeli nguwa lu'usi, ala Munguúrén lo'oodá' gana warqeés tay tsuuqa.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

WA/AA/I 1:10

Wakuuse daber'ín gaa looloqós, gawaá muruudá' sleémeero tlaxo gawdén. Inós xoordu gaa aán niwa daraahiya' didá' hhoohhoo', mukdá' kuúng taa sí' niwa dahiya' baraá alqaatír mukók.

ESEKIELI 44:9

«Gawaá adoorihe, anuú Aakoó MUNGÚ a kah, hee tumu wák oo ta pa/ángw dahmá i haniisi i kaahh tam oo xooro gaalá, oo taa hheehhe'eesiiká slaqwto laqaá muunahe, laqaá oo aníng i ilaiwawa/aaká, oo taa ya/aámár dahmií haniisi i kaahh ar didá' hhoohhoo', tam hoomaadá' ayaahúng hoot sleeme.»

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

FAARO 22:17

Gám aníng kuúng u iwa/a/aát nee u baloó qiitlaaká, umuuqo gár ta sla'a ar ni firiin ngi haniís. Qwaláng mukwí daanduueé' wa lu'usek.› »

FAARO 23:7

Bala'amu aarirós tí gari oó', iwa kaahi, «Balaki ina leéhh ay yaamaá Aramu, waawutmoó Moabu ina leéhh iimír tlom'aá da/aáw, iwa kaahi, ‹Qwaláng múk Yakobo lu'usek as daanduueé', qwaláng múk Israeli tli/isek!›

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

YOSHUA 24:9

Aluuwo Balaki garmoó Sipori, waawutmoó xoorór Moabu, niri slaqwarár áy amór xoorór Israeli. Inós Bala'amu garmoó Beori guri ateét as kuungá' nuwa lu'usi.

2 Petro 2:15

Inooín loohidá' ganaa' kaa geexáy, tari qwaár. Asma loohír Bala'amu kana eehár, garmoó Beori. Inós gár ganaa'aaká gana tleéhh as peésa ngiwa slay.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.

1 SAMUELI 25:11

Xáy án muruú /aymar'eé' ngun haniísa nee ma'aywo nee fu'unaá naa amohhe'eés as múk se'éngw bee/angw'eé' tlaáq, múk ni baloó xuaaká nguri tsuwa qáwa, tam amór ni dahhiya' a xuaaká?»