DABE 23:23 - Biblía Axweesantá Hhohho' ar Mungú 2004

²³ Ti ló'wa harmagahh, al'axweesani kawa boo/es tidá' taa afkók ar kát dír AAKOÓ MUNGÚ, Munguúwók i ale, asma gadaádá' kuúng ana ó' ar sla'aarirók ar kilá'.

DABE 23:23 Iomraidhean Croise

WARA'AMI 116:18

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero,

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

AXWEESANOÓ SAGALOOA 20:25

A dakuús hee iwa gaanslár ooi, «Gaarí a haniís dír Mungú.» Aluuwo iri aluúwaá gurbo/áy gadaádá' haniisaro.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

TLAHHOÓ LAÁWI 27:2

«Xoorór Israeli adoorí baweek, hee bar al'axweesantós gaa oó' dír AAKOÓ MUNGÚ ar hee nguwa haniisi, heedaádá' ga aleesláy al'axweesantós ngiwa hingeesi ar peésa ngiwa haniisi. Nee qoomoó peésa oo ta haniisi a kwí:

FAARO 30:2

Hee barnaxes al'axweesani gaa oó' dír AAKOÓ MUNGÚ, laqaá bar lo'o gana /aáy ar al'axweesani ngiwa tseék, inós gár kuwa hariím a al'axweesantadá' gan boo/ees ar adór al'axweesantadá' afkose aa káh.

Matayo 5:33

«Slám aga axasé' adór bariisér bál geera kara báy, ‹Lo'o bara húp dír geeraá Munguhe, al'axweesani kawa boo/es, al'axweesantadá' ma mawaar boo/eesaro.›

Tlehhema'aá ya/Abuuse 23:12

Looa niwa tleér, múk Yahudi tari al'axweés, lo'o kana /aáy ar tawa /ayinka, slám ta wahiika ay dír Paulo kway gaasi.

Tlehhema'aá ya/Abuuse 23:21

Ala kuúng ma ya/aamaar, asma múk mibeeraá tsiyáhh gi waaraáhh ngu loohír wa gigidiná'. Nee inooín lo'o ngaa /ayiyé' ar iwa /ayina'aaká, laqaá i wahiaaká, ay dír Paulo ngway gaasiya'. Nee hamí axweesantá amoorók daahh ngin daamaraná'.»

DABE 23:22

Ala kuúng al'axweesani bara qasiká, dakuúsár ta koon i káhh.

DABE 23:24

«Barnaxes aga waaráhh ar baraá qaymór sabiíbu ar inslaawmoowók, mamaá sabiíbu awa ta didá' wa /ak bueek, ala mu buaar kuri baraá tlakwaywók i qás kuri ar tleér.

YOSHUA 9:18

Ala múk Gibeoni sleeme kwa tsu/iiká nee múk Israeli, as al'axweesantadár wayda taa káh ar baraá umuú AAKOÓ MUNGÚ, Munguú Israeli. Aluudae muu sleémeero tari qununuú/ dír geeraharuuser'ín daanduú tihe.

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.