DABE 23:11 - Biblía Axweesantá Hhohho' ar Mungú 2004

¹¹ Ala tsiindo birna xayé' i hamtlin ar ma'aay, nee looa bira dát i ki/i baraá guruú xafi.

DABE 23:11 Iomraidhean Croise

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

TLAHHOÓ LAÁWI 11:25

Bar hee fu'unaá tuua gaa baraaka ar tláy, inós kwaa meetagaás ay tsiindo, tlabaawós gár kiwa hariím a kin hhuunts.

TLAHHOÓ LAÁWI 14:9

Bál faanqwe se'eengós sleémeero nee daamoode nee hhamhhamaá ilaawo giri deeqw. Naagáy tlabaawós giri hhuunts, iri hamtlín ar ma'aay, inós iri hhoohhooúy.

TLAHHOÓ LAÁWI 15:11

Hee bar malhhari nguwa ti'imít, slám dabaawós gaa hamatliiká geerií ale, inós hee guri kwatiít, harihhoóarós tlabaawós gin hhuunts nee in ma'ár hamtlín, nee inós i baraá meeta ay tsiindo.

TLAHHOÓ LAÁWI 15:13

«Hhawaatuú malalaáhh bira hunguú/ gár kuwa hariím in dán deelo faanqw dír meetaawós nira faaki'iiká. Tlabaawós giri hhuunts, nee iri hamtlín ar ma'aá kutli, iri hhohhooúy.

TLAHHOÓ LAÁWI 15:16

«Barnaxes hhawaata aa pisaahhaát, gár kuwa hariím a slaqwa gan sleémeero wa hamaatl, inós i baraá meeta ay tsiindo.

TLAHHOÓ LAÁWI 15:5

Umuúqo heé qatanír heewí gaa qoo kwatiiti harihhoóarós a tlabaawós gin hhuunts, nee slaqwtós gari ma'ár hamaatl, nee inós i baraá meeta ay tsiindo.

TLAHHOÓ LAÁWI 22:6

heedaádá' i baraá meeta ay tsiindo. I hariindaaká muruú /aymár hhohhó' nguwa /ayi, ay dír i hamtlin.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

DABE 23:10

Barnaxes hee baraá tla/angwhunge xweeraawo aa pisahhaát, heewí i tsee/aá xaftií ti'iiti, miwa dáh baraá xafi.

DABE 23:12

«Amór tsee/aá xafaywo dír tay /o/odaá aeera' masók i deer.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.