DABE 22:9 - Biblía Axweesantá Hhohho' ar Mungú 2004

⁹ «Qaymoorók ar sabiíbu ma dahasíngw hatlá' i dahasaar. Adoorí bara tléhh, bu'uungw sleémeero oo qaymoodá', tam mamaá sabiíbu sleeme, gár kuwa hariím an ilahhooár wa hanís dír Mungú.

DABE 22:9 Iomraidhean Croise

TLAHHOÓ LAÁWI 19:19

«A hariima hara'ayar'éé' kawa ilaiwawa/a: Hikwawók mindiwa laqwaliyé' ar makaá hatlá'. Baraá qaymooroge dahaasíngw daa'aweemaá tsár mu dahaasaar. Tlawuú taa tleéhh ar muruú daa'awemaá tsár mu tsiitaar.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Matayo 9:16

«Hee i kaahh oo warqamoó inqwaarír /abén gu tsaát, guri waraaq ar inqwaarír qaren. Asma warqamoodá' /abén taa qaás, inqwaaridá' qaren ga hhitín, nee didaádá' aa fox iri tláhh.

Rumi 11:6

Mungú inooín gina tsawaár as gurtleemu, ala a as tlehhma'aá inooín naa tleehhiiti'iiká. Asma geera bar gina tsawaár as tlehhmi'i, geera gurtleemuuwós a tawo.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

DABE 22:8

«Doó /abén bur tlehhít, dír gar/oó do'o gaangeefi tleehheek, as hee miwa /eét, do'ók lo'o munguwa eér, barnaxes hee aa /eét gawaá daanduú dó' wa alé, nee iri gwaá'.

Yakobo 3:10

Gawaá afkwihe gár ti'imiit a tsuuqa nee lo'o. Gawaá adoorihe hhaee'eé', muruú adór kwí miwa tleehharuút.