DABE 22:8 - Biblía Axweesantá Hhohho' ar Mungú 2004

⁸ «Doó /abén bur tlehhít, dír gar/oó do'o gaangeefi tleehheek, as hee miwa /eét, do'ók lo'o munguwa eér, barnaxes hee aa /eét gawaá daanduú dó' wa alé, nee iri gwaá'.

DABE 22:8 Iomraidhean Croise

2 SAMUELI 11:2

Loarka wake, qoomár tsiindowo, Daudi ina qatuú wá tláy, iri tsa/án gawaá daanduú doó waawutmo. Qoomár iwa gawaá geehhoudá' wa hi'iimiti, /ameenír wák gana ár i hamtliín /ameenír tsataari hho', hhohh'ariro ila' gin hayót.

TI'INAANGW 22:6

«Hee bar asla gana qaás baraá xwaansláy, aluuwo asltadá' iri /akút baraá balángw hee oo taa buiiká, laqaá qaymo sleémeero gari fák, heedaádá' asla gaa qaas gár kuwa hariím aqo balangwdá' sleémeero gun buu'.

ISAYA 22:1

Iigu'utuú Mungú aa laqán daanduú xatstá iigu'utuú. Aá Yerusalemu, gár naa xeer a milá? Baré kuungá' sleémeero aga tsa/aandé' gawaá daandemaá maraay.

YEREMIA 19:13

Maraá Yerusalemu nee maraá waawituú Yuda, nee umuú do'o oo daárirós kawa mooyángw wa daá/ dír tsatse/ú doori, nee ilahhooadár tsipipi'iisa ar difaái kawa hanmiisi dír munguaá hatlá', marayká' sleémeero ki meetagaas adór didár Tofeti.› »

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

Matayo 10:27

Tidá' án naa dirhúng i axweés baraá giwtír wa ale, kuungá' na dír gwa/aát wa ooaak. Nee tidá' tinda saasaáhh ooaro, kuungá' gawaá daandeemaá maraay tiwa alki/ite'.

Marko 2:4

Inooín Yesu i tsewuwto kuwa harslaaqaát as boo/oó muu, daanduú do' kuri fooxiís afi qoomaadá' inós i dirii'i. Fooxisaro kuwa hhe'eés, tiqtusmoodá' kuri didár aweeriís ar hhaftuuwós.

Tlehhema'aá ya/Abuuse 10:9

Bál tsár tawa baraá aaí dirii'i, gixsa kari i tseewúy. Qoomaadae Petro iri tsa/án gawaá daanduú do', as iwa firór ay. Qoomaadá' a looár lahhoó' ar tlaatla/aangw.

Rumi 14:13

Gawaá adoorihe atén kilootén mitiwa sakwasleemuutaán. Ala masók sakwasleemarhúng a adoorí, hee hhiyaawós munguwa dukuutsmoó i qaás, laqaá munguwa baraá tlakweemií daáhh.

1 Korinto 10:32

Kuungá' ma dukuutsmo tleehhitaara' dír múk Yahudiro, laqaá dír múk Yunaniro, laqaá tam dír múk kríshaanayhe,

DABE 22:7

Tsir/ír ur tidá' umiim geemaweek ala na/ii ar tleemuuwo i aleesleér. Adoorí bara tléhh, diihhooa a sleér nee kureeraá yaariir i hót.

DABE 22:9

«Qaymoorók ar sabiíbu ma dahasíngw hatlá' i dahasaar. Adoorí bara tléhh, bu'uungw sleémeero oo qaymoodá', tam mamaá sabiíbu sleeme, gár kuwa hariím an ilahhooár wa hanís dír Mungú.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

1 Tesalonike 5:22

Ti paratle' dír umuúqo gár tlaakwe.

1 SAMUELI 9:25

Naagáy Saulo nee Samueli tari al/ayín baalaadae. Aluuwo tindiwa aweér gáwtá wa ale ay baraá gixsa, qatuú Saulo guri hhaáf gawaá kitaara, niri axweesiyé' gawaadá' wa ale.