DABE 22:5 - Biblía Axweesantá Hhohho' ar Mungú 2004

⁵ «/Ameena tlabaá hhawaate mingiwa tsitít, nee sleeme hhawaate tlabaá /ameena mingiwa tsitiitiyé'. Asma heé adoorí gaa tleehh gár AAKOÓ MUNGÚ, Munguúhúng i waki gan tlehhiit.

DABE 22:5 Iomraidhean Croise

DABE 18:12

Asma heé adór kwí i AAKOÓ MUNGÚ buhhtamis, nee as daanduú tlehhmi'iiká' buhhtamisa'a, AAKOÓ MUNGÚ, Munguúhúng xoordaá adoorí /imaamisá' gin geerahúng wa guus.

DABE 22:4

«Barnaxes daqwaay, laqaá slér inslaawmoowók aa hú' baraá loohi, alee/isaaro mu mawaar, inós ku alee/ís tleesaro.

DABE 22:6

«Kuúng barnaxes doó tsir/i ugwa aán gawaá xa'ano, laqaá baraá loohi, i na/aá kón, laqaá qanhha, tsir/i i na/aá umiín, laqaá qanhha, tsir/idá' nee na/iiwose mi ar tlawaar.