DABE 22:22 - Biblía Axweesantá Hhohho' ar Mungú 2004

²² «Hee burkwa óh dír harér heé hatlá' wa ale, inooín tsaraawo aqo kin tsuu/, hhawaata nee /ameenirihe. Adoorí an adoodá' tlakweema kir hingeesa' baraá tla/angwhunge.

DABE 22:22 Iomraidhean Croise

2 SAMUELI 11:5

/Ameenidá' iri tsít, inós kaangwí iwa tsít guri ó' dír Daudi, adór tsiihaay tar kós.

ESEKIELI 16:38

In sakwasleemuút asma kiíng a adór /ameenár al'axweesantá duuxo gaa geeqeer, laqaá adór múk tsu/uutuuse, án kiíng in sakwasleemuút ar sakwasleemár gwa'ara as niwa buúhh nee da/i iwa ót.

TLAHHOÓ LAÁWI 20:10

«Hhawaata nee harér inslaawmoowós barta fuquús, gár tsaraawo kiwa hariím a tsu/uta.

Matayo 5:27

«Aga axasé' adór tara káh, ‹Fuqi ma awaar›.

Matayo 5:28

Ala án a kah, umuúqo heewo oo /ameeni gaa alqaytsiit ar ilatleeri aa fuquús nee /ameenidá' baraá muunaáwose.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

DABE 17:7

Mukduú lamabu'uuse masók an múk gu giiriís tlaqutuwo, naagáy daqaní múk hatlá' ngu aluú wa tsaxaari. Adoorí an adoodá' tlakweema kir hingeesa' baraá tla/angwhunge.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.