DABE 22:21 - Biblía Axweesantá Hhohho' ar Mungú 2004

²¹ inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

DABE 22:21 Iomraidhean Croise

IIMU/UUNGW 34:7

Qoomaadár kilae daaqoó Yakobo nina baraá de'éngw wa waátl. Kaangwí nguwa axaasiyé', tana ló'wa gurhamuút, tana buúhh, asma gaarí ka alsi'ím dír múk Israeliwo ar dasír Yakobo kawa /uurúr óh, kari dasu'uuma hhitín. Asma gaarí a gár ta waki ló' wa ale.

IIMU/UUNGW 38:24

Alaá slahheeraá tám niwa waarahhiyé', Yuda kaangw gway axaás tawa kaahi, «Harér garmaawók Tamari aa fuqús, nee tsiihaay gwaa sleér.» Yuda iri oó', «Tsee/áy duuxaak, da/aak.»

TLAHHOÓ LAÁWI 19:29

«Dasiirók ma hanisaar as iwa tsaatu'uumár eer, as yaamu mindiwa dahiyé' baraá tsaatu'uuma, niri hatsiyá' slasla/aruuwo.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 21:9

Dasír kaahamusmoó Mungú bira tsaatuso'o tleehhít, gár kawa hariím a kan daa/ baraá asla, asma baabuúwós gwaa slasla/arés.

TLAHHOÓ LAÁWI 24:16

Umuúqo heewo oo yaamuloó' laqaá hoomo oo umuú AAKOÓ MUNGÚ gwaa tloqoos, xooro gun tlaa/ér gás.

TLAHHOÓ LAÁWI 24:23

Naagáy Mose xoorór Israeli sleémeero gari kaangwí báy. Heedaádá' AAKOÓ MUNGÚ gwa lu'us, kuri tsee/aá xáftí duúx, kuri tlaa/ér tlaquút, kway gaás. Adoorí an adór xoorór Israeli aa tléhh, ar adór AAKOÓ MUNGÚ Mose ngura hara'ayín.

1 Korinto 5:13

Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

DABE 13:10

Tlaa/e tir tlaqute' ay dír i gwaai, asma inós i múk amoqwaaremiis dír AAKOÓ MUNGÚ, Munguúhúnge, kudá' kuungá' naa baraá lawaali'iimár yaamaá Misrír wa duux.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

DABE 17:5

daqaní heesíng laqaá /ameenisíng duuxaak baraá gixsaaro, nee ka tlaqutá' ar tlaa/e ay dír i gwa'.

DABE 17:7

Mukduú lamabu'uuse masók an múk gu giiriís tlaqutuwo, naagáy daqaní múk hatlá' ngu aluú wa tsaxaari. Adoorí an adoodá' tlakweema kir hingeesa' baraá tla/angwhunge.

DABE 19:19

naagáy kwasleemaadá' ka tsatá' adoodá' lamabu'usmoodá' geeraawo heedaádá' ngu laqtá wa slai, ka inósí tleehhi. Adoorí an adoodá' tlakweema kir hingeesa' baraá tla/angwhunge.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

DABE 22:22

«Hee burkwa óh dír harér heé hatlá' wa ale, inooín tsaraawo aqo kin tsuu/, hhawaata nee /ameenirihe. Adoorí an adoodá' tlakweema kir hingeesa' baraá tla/angwhunge.

DABE 22:24

inooín tsaraawo duuxaak baraá gixsaro nee ki tlaqutá' ar tlaa/e ay dír i qatliya'. Dasiirí in hariín kawa tlaa/ér tlaquuti as inós iwa tseiká, as kawa alee/isi, inós iqo baraá gixsárí dirí'. Hhawaata aqo kun gaas asma dasír inslaawmoowós i lehhiiti ga alsi'imúr áy. Adoorí an adoodá' tlakweema kir hingeesa' baraá tla/angwhunge.

HAR'OHUUSE 19:23

Heé do' loó' giri harati'iít tsee/í ale, giri báy, «Aasla'áy, a adoosingeeká, hhaee'eé', án kuungá' nu firiím, tlakweemaá adór kwisingá' mi baloó tleehhara', asma heewí a dahaaymoó dooeé', iringeésíng ma tleehhara'.

HAR'OHUUSE 20:10

Atén múk mibaangw un tsawaaraán baraá umuúqo múk tsiiruú wake, baraá tlahh'aá Israeli sleémeero. Nee múk tsiiruú wák un tsawaaraán baraá umuúqo múk kumuú wake, gadiyér'ín a muu nguwa muruú /aymár i huwiya', kudá' slaqwarár áw amór Gibeár yaamaá Benyamini as li/oó alsi'imuudá' nguwa buiya', nee gadaádá' tlaakw naa tleehhiyé' dír Israeli.»

HAR'OHUUSE 20:5

Hhawaataá Gibea niri haratlayé' dír do'dá' ni deél, do'dá' ngway harweeriyé' bihhe sleémeero qoomár xweeraawo. Nina tsabiné' aníng iwa gaasiya', /ameenir'eé' ngari gaasiyé' ar tsaatu'uumar'ín.

HAR'OHUUSE 20:6

Aníng /ameenir'eé' ngiri taataáhh, ngiri tlaáq umuúqo diqito'ooro, ngiri huúw baraá yaamu sleémeero awa múk Israeli, as gár tlaakw ar adór tí naa tleehhiyé', nee alsi'imuú adór kwí baraá Israeliwo.