DABE 22:18 - Biblía Axweesantá Hhohho' ar Mungú 2004

¹⁸ Bariisér gixsadá' hhawaatudá' guri ót, guri múx.

DABE 22:18 Iomraidhean Croise

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 21:22

«Barnaxes hhawaataá tsár taa ayé', oo wák dir'ine /ameenír tsiiháy gay slahh'eés, tam gura' guri kwáhh, ala slahh'amuú hatlá' i geerií koon i kaahh, heewí gaa slahh'ees aqo ku doohhiis adoodá' hhawaatuú /ameenidá' ngir ooi, nee adoodá' har'ohuuse i o'.

DABE 1:9

Mose muu guna báy, «Qoomár tawa gawaá tloomár Sinairí kahhaan, aníng kuungá' nuna báw, ‹Gadiyér aníng kuungá' nuwa geeraharahaar, umuú gaaro ka gawit dír aníng kilooeene.

DABE 22:17

nee gaa lámtí tsaát, i kaahi, dasiirí nee hhawaata taa qaroó alqaát, aníng ngiwa duuxa.› Aluuwo inooín inqwaaridár lamabu'uungw ngi dír geeraá bariisér gixsár wa laqane'.

DABE 22:19

Nee heedaádá' sleeme ngun doohhisiyá' ar parhheemaá peésár tsiiruú wák, (kiri haniis dír baabuú dasiidá') asma hhawaatudá' dasír Israeli ar nee hhawaata naa alqati'iiká gaa tawo lámtí tsaát. Nee /ameenidá' aqo an hareerós, si'iimaawo ga baloó aleeslayká baraá hotaawós sleémeerowo.