DABE 21:5 - Biblía Axweesantá Hhohho' ar Mungú 2004

⁵ Daqaní kaahamuusér Mungú ar tlahhoó Laáwi, ni didií hardat, asma AAKOÓ MUNGÚ, Munguúhúng inooín gina tsawaár as nguwa sagadiyuusiya', nee tsuuqa ngiwa hanmiisiya' ar umuú AAKOÓ MUNGÚ. Inooín aleesleemu ngu koná' oo qaa/oó gila nee oo muruú /uuru nguwa tlaaqiya'.

DABE 21:5 Iomraidhean Croise

1 QOM'I 23:13

Daaqoó Amramu a Aroni nee Mose, Aroni kuri qaás as xosluudá' ak ló'wa hhohho' ngiwa paraatli as Mungú, as inós nee daaqaywós mooyaangw nguwa da/a/ana' dír AAKOÓ MUNGÚ, nee nguwa sagadiyuusiya', nee muu nguwa tsuuquna' ar umuú AAKOÓ MUNGÚ ay alhhe'eesay wasle.

2 QOM'I 19:10

Barnaxes hhaeehúng awa baraá gixsadaá hatlá' naa kwasleemadií huwiyé' awa daanduú tsu/uta, nee dabe hhita, nee hara'aya siaasi', laqaá kaahír Mungú siaasi', ló'wa hara'ayimaak as AAKOÓ MUNGÚ mukuwa sadakuús. Kuungá' bar adoorí aga tleehhi'iiká, kuungá' nee hhaeehunge sakwasleemár AAKOÓ MUNGÚ nu sleér. Ala kuungá' adór ganaa' bar aga tlehhé', daqaní dakuús i káhh dirhunge.

ESEKIELI 42:13

Heedaádá' aníng iri báy, «Kutuwaywí sleémeero ku ló'wa hhohhó'. Baraá kutuwaywihe kaahamuusér Mungú, tidá' darah dír geeraá AAKOÓ MUNGÚ, ilahhooadá' hhohho' gan /aa/ák, nee sluufaydá' hhohhó' sleeme. Diirí an dír ilahhooár balaangw kay qamaamin, nee ilahhooár tlakweema hingeesa nee ar dakuús fiitsa as didá' kawa hhoohhoó'.

ESEKIELI 44:24

Barnaxes gila i dayá', inooín kin har'oh ar adór daber'eé'. Inooín hara'ayar'eé' nee kaahir'eene ngi amohhe'eesiyá' ar deeloodá' urén sleémeero ngiwa harmagaahhiyá' nee Sabaátor'eé' kawa hhoohhoeesi.

TLAHHOÓ LAÁWI 9:22

Aroni ilahhooa sleémeero hanmisuwo ngiwa hhe'eés, adór ilahhooár tlakweema hingeesa, nee ilahhooár da/a nee ilahhooár wayda, dabaawós giri gáwtí tleés amór muu, guri tsuúq, naagáy niri aweér.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

DABE 18:5

Baraá tlahhi'iihunge AAKOÓ MUNGÚ, tlahhoó Laáwi guna tsawaár as nguwa sagadiyuusiya' ay alhhe'eesay wasle.

DABE 19:17

inós nee heesíng kaa/uusá' ta sihhiiti dír geeraá AAKOÓ MUNGÚ, dír geeraá kaahamuusér Mungú nee har'ohuuse, kudá' qoomaasinge baraá gadiyeédí diriiá'.

DABE 21:4

Bariisér gixsadá' dama ngi huwiye' ay baraá duxuú wa/amiím, oo taa doosliiká, ngi baraá duxuudá' i isa geeqaye'.