DABE 21:23 - Biblía Axweesantá Hhohho' ar Mungú 2004

²³ Tuuarós makawa máy iwa gawaá xa'anoó wa gu' xweeraawo, ala aqo an folá' baalaadár kilá'. Asma umuúqo heé taa tarereé' gawaá xa'ano a heé taa lu'ús nee Mungú, nee kuungá' yaamu mi meeta gaasara', kudá' tinda haniís nee AAKOÓ MUNGÚ, Munguúhúng, as tawa aalirhúng.»

DABE 21:23 Iomraidhean Croise

2 SAMUELI 21:10

Rispa, dasír Aia, tlabaá angamia gina taatáhh, giri hháf gawaá tlaa/a. Iri didá' wa hotaatiín iimír iimu/úngw bu'uungw, ay qoomár tluwaay i tlubaabin iri xeér, nee tu'u giri i tluúw. Qoomaarí sleémeero makaá sla/a nee gwarsuwo gin gusaasiín, xweera nee tlaatla/ango, as tu'uká, mikiwa kwatiít.

2 SAMUELI 21:6

Gim daxta, múk faanqw baraá na/iiwós awa daaqaywo, amoorén i haniisang, atén i tsu/aán kiwa tareereiimaan dír geeraá AAKOÓ MUNGÚ wa ale, gawaá tloomár Gibeár Saulo, kudá' taa tsawaár nee AAKOÓ MUNGÚ.» Waawutmo iri oó', «Muksíng ngu haniís.»

2 WAAWITÁ 10:8

Aluuwo sagadiyusmoó wák iri tláy amór Yehu iri oó', «Sagér daaqoó waawutmo nga qaroó huwaán.» Inós iri oó', «Baraá daqoroó tsár ti qase' dír afkú gixsa ay matlo matlaatle.»

ESEKIELI 39:12

Tu'uudá' kin folaalit ay slahheeri faanqw as yaamaá Israeli kiwa hhoohhoeesi.

TLAHHOÓ LAÁWI 18:25

Yaamuuín kina slasla/areés, aníng ngiri muúx, nee inooín kiri sií' nee yaamu.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

Yohana 19:31

Ala múk Yahudi Pilato guri firín as ya'aá mukdá' taa kiki'ín kiwa geqay, nee kiwa hingeesi gawaá misalabaduuwo. Adoorí kana slaá' tleehhamooro, asma a baalár amohhe'eemis, nee looár tlaw tawa deelór Sabaáto. Inooín kaa slaiiká tu'u iwa iwiwiitiya' gawaá misalabaduú wa ale deelór Sabaátoro. Asma deeloodár Sabaáto a deelór ló'wa ur.

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

DABE 25:19

Gawaá adoorihe qoomár AAKOÓ MUNGÚ, Munguúhúng burna amohhooárí haniís dír wakuuserhúng sleémeero, nee burna dahaás baraá yaamuudá' naa dirhúng i haniís tawa aalirhúng, daqaní múk Amaleki sleémeero ku suquurá' baraá yaamuwo. Gaarí ma baloó gunqaareesara'.»

DABE 4:21

Ala AAKOÓ MUNGÚ, Munguúhúng aníng iri i buúhh, lo'o gari /aáy, yaaér Yordani a waarahhaaká amór yaamuudá' hhoohhoo' ni kuungá' i haniisi as tawa daqaari'iimarhúng.

DABE 7:26

Slaqsi'iidá' mi ar watlaara' amór marayhúng, laqaá bar adooriheeká, kuungá' tundu adór slaqsi'iidá' wa lu'us. Kuungá' masók aqo in siá' nee kiri waaqaqa'á' asma tawa muruú taa lu'ús.»

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.