DABE 21:22 - Biblía Axweesantá Hhohho' ar Mungú 2004

²² «Barnaxes hee dakuúsár gwa'arár wa hariim gaa tleéhh, kuri gaás, tuuaarós ka tarereei gawaá xa'ano.

DABE 21:22 Iomraidhean Croise

IIMU/UUNGW 40:19

Alaá deelo tame Farao sagók gu tsaat, nee slaqwtók kari tareree' gawaá xa'ano, nee gwares fu'unaywók giri /aay.»

2 SAMUELI 21:10

Rispa, dasír Aia, tlabaá angamia gina taatáhh, giri hháf gawaá tlaa/a. Iri didá' wa hotaatiín iimír iimu/úngw bu'uungw, ay qoomár tluwaay i tlubaabin iri xeér, nee tu'u giri i tluúw. Qoomaarí sleémeero makaá sla/a nee gwarsuwo gin gusaasiín, xweera nee tlaatla/ango, as tu'uká, mikiwa kwatiít.

2 SAMUELI 21:6

Gim daxta, múk faanqw baraá na/iiwós awa daaqaywo, amoorén i haniisang, atén i tsu/aán kiwa tareereiimaan dír geeraá AAKOÓ MUNGÚ wa ale, gawaá tloomár Gibeár Saulo, kudá' taa tsawaár nee AAKOÓ MUNGÚ.» Waawutmo iri oó', «Muksíng ngu haniís.»

2 SAMUELI 21:9

Na/iiká' faanqw awa daaqaay Daudi gina haniís dír múk Gibeoni, inooín kiri tareereín gawaá tlooma, dír geeraá AAKOÓ MUNGÚ i ale. Sleémeero faanqwmaawo, nari qoomár wák qatliyé'. Na/iiká, kina tsuú/ qoomár bu'úngw geera oo shayiri.

2 SAMUELI 4:12

Daudi masoombarós gari ádbáy, inooín mukdá' kuri tsuú/. Mukdá' kuri daba' tlaánq nee ya'aawo, kiri tareereín gawaá xa'ano, dír bihhaá tlahhsár ma'aay baraá Hebroni. Ala ságw Ishbosheti kuna ar tláy, kuri foól baraá /aantár Abneri baraá Hebroni.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

Matayo 26:66

Xáy, kuungá' ma katá'?» Tari oó', «Gár iwa harin a gaasa.»

Marko 14:64

Aga axasí'iíke adór ir Munguú /oosliislín. Xayshé' ma katá'?» Sleémeero kwasleema kay tsaát adór gár kuwa hariím tar gwa'ara.

Luka 23:33

Nee tawa hardáh dirka ta babay «Fartá saga», Yesu nee mukduú tlakuuse kiri alkiki'ín, oo wák dákw doó /iyáy oo Yesu nee kuqá' dákw doó basáy.

Tlehhema'aá ya/Abuuse 23:29

Aníng ana tsaáhh adór inós gár tlaakw aa tleéhh ir káhh ar gwa'arár wa hariim, laqaá tam tseegamo. Ala gár kuwa sakwasleemuút a garka tiwa slaslay'aaká baraá daber'ine.

Tlehhema'aá ya/Abuuse 25:11

Ala án bar ana dakuús, laqaá gár tlaakw ana tleéhh, ar aníng niwa hariim gwa'araro, gwa'ara a siasiaaká. Ala /aymuuwí iwa sakwasleemutiya' bar loeeká, heé aníng i dabaaín i qaás i kaahh. Kwasleemar'eé' i waarahh amór waawutmoó múk Roma.»

Tlehhema'aá ya/Abuuse 25:25

Ala aníng ana tsaáhh adór gár tlaakw aa tleéhh ir káhh ar gwa'arár wa hariim. Slám inós waarahhamaá amór waawutmoó múk Roma ngiwa firín, aníng ana slaá' nguwa amoorósí huuw.

Tlehhema'aá ya/Abuuse 26:31

Tawa ti'imiiti tari kilooín axweés tawa kaahi, «Heewí gár gwa'arár wa hariim gaa tleehhiiká, laqaá tam ar tseegamo.»

DABE 19:6

Ala barnaxes gixsadá' ka ló'wa saaw, heedaádá' li/oó bu'uúm kudá' hee gwaa pa/aayór wa gaas gu aleeslay eeharto guri gaas, tam heedaádá' hee gwaa pa/aayór wa gaas kwasleemarós kaa gwa'arárií tsatiikahe, asma inooín aáng a wakuuseerooká.

DABE 22:26

Kuungá' dasiidá' ma kwatitara' asma inós gár aa dakús i káhh ar inós kawa hariím kawa gaasi. Gár adoorí a slaqamís nee hee burkwa i haratláy nee inslaawmoowós kuri gaas, asma

YOSHUA 10:26

Aluuwo Yoshua waawitaádá' guri tsuú/, nee gway tareereín gawaá xaa'aá kooán i alé, slaqooín nay gawaadá' wa tarereamiitiyé' ay tsiindo.

YOSHUA 10:27

Qoomár tsiindi iwa darat, Yoshua iri oó', «Tu'uuqá' aweerisaak ki kwahhá' baraá mar'idá' nay nahhaatiyé'.» Mukdá' adoodá' Yoshua ngaa báy kari tleéhh. Tlaa/aá uren kay qaás gawaá afkú mar'idá'. Tlaa/eedá' i didá' tam ay laarí.

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.

1 SAMUELI 26:16

Kuúng adoosíng taa tléhh i qoondaaká, án lo'o aga /aáy ar umuú AAKOÓ MUNGÚ, kuúng gár tuwa hariím a gwa'ara, asma aakoohúng ugwa xuundi'iiká, kudá' AAKOÓ MUNGÚ aa iimbalaáx ar di/i. Hamí qaytsiít, lawaalár waawutmo nee qumtidár ma'aywo kudá' dír sagósií dirii'á', axáy i dáy'a.»