DABE 20:10 - Biblía Axweesantá Hhohho' ar Mungú 2004

¹⁰ «Qoomár bar gixsa a i haratleemuú wa sla'á' yaamuloouusér gixsadá' ka geerií ádbeerá' áx wayda ku slái?

DABE 20:10 Iomraidhean Croise

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

SEKARIA 9:10

Gaardaá slaqwara awa múk Efraimu in hhitiím, nee farsuú slaqwara oo gixsár Yerusalemu un hhitiím sleeme, nee ga/aldaá slaqwara in giqáw sleeme. Inós wayda ngu huuw baraá xoorduuwo. Waawiti'iimarós in tsiníq ay tlabeemo sleémeero, iimír yaaér Eufrate wa tleemu ay alhhe'eesoó yaamu.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

2 korinto 5:18

Ala muruuwí sleémeero amór i dahhi a amór Mungú. Inós atén tina dirósií haraki/ís ar loohír Kristo, nee gadiyér haraki/imis ngiri dirén i haniís.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

DABE 2:26

«Naagáy ya/abuuse ngiri ya/aáw amór xaanxoó Kedemotír wa ale, as tawa amór waawutmo Sihoni kay, kudá' baraá Heshbonír hoót as kángw wayda,

DABE 20:11

Barnaxes yaamuuloouusér gixsadá' wayda gu sla', nee dabaaín ngaa hanís, daqaní múk baraadií dirií' sleémeero kuungá' nu sagadiyuus, nee gadiyeedaá kiwa /uurutimiisi ngi tlehhiitiyá'.

DABE 20:9

Barnaxes geeraharuuse axweesantá dír muko aa hhe'és, daqaní geeraharuusér slaqwara muu ngu geerahat.

HAR'OHUUSE 11:12

Yefta afo gari ya/aáw amór waawutmoó Amoni, guri báy, «Gám atén nee kuúng gaa a milá, misinda ayaarén i haratleér?»

HAR'OHUUSE 21:13

Naagáy dinku'uumadá' sleémeero ya/abuuse ngari ya/áp ar kángw wayda gu oo' dír tlahhoó Benyamini, kuduú baraá mar'ír tlaa/ár Rimoni.