DABE 20:1 - Biblía Axweesantá Hhohho' ar Mungú 2004

¹ «Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 20:1 Iomraidhean Croise

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

2 QOM'I 14:10

Asa iri tláy as nee inós tiwa doogiya'. Inooín tsaraawo tiri amohhe'eesiyé' baraá xatstá Sefata tidár iisaapoó Maresha.

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

2 QOM'I 20:15

Yahasieli iri oó', «Iia qaasaak, kuungaá múk Yuda nee yaamuloouusér Yerusalemu dinkwa nee waawutmo Yehoshafati! AAKOÓ MUNGÚ i kaahi, ‹Ma da'ayuumitaara', laqaá ma amoqwaqwadimara' as slaqwaruuseerí yaariir. Slaqwararí a toohungeeká, slaqwaraarí ar Mungú.

WARA'AMI 118:6

AAKOÓ MUNGÚ i bartaeé', heé ni da'ayuumiit a heemá? Hee aníng mi /iis?

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

WARA'AMI 23:4

Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 46:8

Qwalaasé', araak tlehhma'aá AAKOÓ MUNGÚ. Inós tlehhma'aá waa/oo/amo gina tleéhh awa dae tlaaqá' baraá yaamuwo.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 16:14

AAKOÓ MUNGÚ i kaahi, «Gawaá adoorihe, ga/aawaak, deelo ni hardát ar muu iwa ooiiká, ‹Adoodá' AAKOÓ MUNGÚ ir hotaatin kudá' múk Israeli ngwa duux baraá yaamaá Misriro.›

SEKARIA 10:5

Inooín dinkwaaro tay adór hhawaataá miguuse baraá slaqwaraaro, awa wakuuser'ín ngi kal/aamá' baraá baa/ír baraá loohi. Inooín in slaqwiyá' asma AAKOÓ MUNGÚ i dinkwa nee inooín. Inooín slaqwaruusér faras gwa i tsa/aan kan mureekees.

FAARO 10:9

Qoomár bar slaqwara baraá ayahunge naa ti'ít tla/ángw kuungá' nee wakuuserhúng, tidá' kuungá' nu baramaanuus, layár slaqwara ka laqaandá' ar tarumbeéta ufaahha as AAKOÓ MUNGÚ, Munguúhúng nuwa inslay nee nuri ba/amis dír wakuuserhunge.

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 1:29

«Ala aníng ngiri báw, ‹Kuungá' mada'ayumiitaara' laqaá ma amoqwaqwadimara' as mukdá'.›

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 20:2

Dír slaqwara kara iimu/undi'iiká, kaahamusmoó Mungú i sihhiiti nee slaqwaruuse ngi i axweesi,

DABE 20:3

ngi bay, ‹Xoorór Israeli, iia qaasaak! Kuungá' laarí slaqwara a tsaxwaá kawa iimu/uunda' nee wakuuserhúng. Gimsé' ma mune siaara', laqaá mada'ayumiitaara', laqaá ma daaraaxara', ma kwislmiitara'.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

DABE 7:18

Mi da'ayumiitaara', inslawaak adoodá' AAKOÓ MUNGÚ, Munguúhúng aa tleéhh dír Farao nee yaamu sleémeero awa xoorór Misri.

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 11:9

Yoshua tidá' kwa báy nee AAKOÓ MUNGÚ gana dir'íní tleéhh. Inós faras guna kane tlaáq nee gaarduudá' faras i uuruxun gina daá/.

HAR'OHUUSE 6:12

Malaykamoó AAKOÓ MUNGÚ Gideoni guri haraaxáy guri báy, «Aá migusámo, AAKOÓ MUNGÚ i dinkwa nee kuúng.»

HAR'OHUUSE 6:16

AAKOÓ MUNGÚ guri báy, «Adoorí tleehharo a aleesleér, asma aníng a dinkwa nee kuúng, kuúng múk Midiani sleémeero un múx adór heé wákár alé.»

1 SAMUELI 17:32

Daudi iri oó', «Hee tumu wák ló' mukuwa de'e tsaát, nee migitá migusmoó múk Filisti. Anuú sagadiyusmoowók, heeqá' nee aníng ti araán.»