DABE 2:8 - Biblía Axweesantá Hhohho' ar Mungú 2004

⁸ «Tari adoorír kumiitaán aaiirene, hhaeerén kudaá xwaylár Esau kiri waarahhaán, kudá' hootá' baraá yaamaá Seirír wa ale, loohidár baraá xatsa kari siaán ooharo, nee gixsadudá' ta bay Elati nee Esion-geberi. Aluuwo tari warqawaán loohidár xaanxoó Moabu kari ar oohaán.

DABE 2:8 Iomraidhean Croise

IIMU/UUNGW 25:23

AAKOÓ MUNGÚ gari báy, «Xoordaá tsár i baraá guruuwók, tlahh'aá tsár awa kiíng ta xwayluur tin paraatliyá'. Oo wák i /uuruú kón ta oo hatlae, garmoó niiná kudá' úr gun sawaawuti'ín.»

1 WAAWITÁ 9:26

Waawutmo Solomon miringe gari tleéhh baraá Esion-geberi tidá' tseew amór Eloti afaá tlawtá Shamu, ar baraá yaamaá Edomu.

2 WAAWITÁ 14:22

Alaá gwa'arár baabuúwose Asariya gixsár Elati gana male tleéhh nee ngiri ki/ís dír múk Yuda.

2 WAAWITÁ 16:6

Qoomaarihe, waawutmoó Edomu gixsár Elati a tidá' aáng taa hayóh nee múk Yuda, gari ki/ís dír múk Edomu, múk Yuda kudá' baraadá' wa hoót guri guús. Múk Edomu tari dáh, nee tari hoót Elatír wa alé ay laarí.

FAARO 21:4

Múk Israeli tari dír tloomár Horír wa tláy, loohír tlawtá Shamu kari óh as yaamaá Edomu kiwa harweeri. Ala baraá loohiro muu iri diqaay tsatmiít.

FAARO 33:35

Tari Abronár wa tlay ay Esion-geberi, xafay'ín kuri didií tleéhh.

DABE 1:1

Axweesantá taa gooín baraá kitaábuuwí a axweesantadá' Mose aa káh dír múk Israeli sleémeero, qoomár inooín tawa baraá darmuú bihhaá da/aáw oo yaaér Yordani. Inooín tawa baraá xatstá Yordani dír isaapoó Sufu, tla/ángw gixsár Parani nee gixsár Tofeli, nee Labani, nee Haseroti nee Disahabu.

HAR'OHUUSE 11:18

Naagáy múk Israeli tana kumiít hi'iitanooro baraá xaanxáy wa ale, yaamaá Edomu ngiri harweeriyé' nee yaamaá Moabuwo, nay hardihiyé' bihhaá da/aáw awa Moabu, xafay'ín nguri tleehhiyé' bihhaá da/aáw awa yaaér Arnoni. Ala inooín naa dahi'iiká baraá yaamaá Moabu, asma yaaér Arnoni an digmuú Moabu.