DABE 2:7 - Biblía Axweesantá Hhohho' ar Mungú 2004

⁷ «Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 2:7 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 24:35

AAKOÓ MUNGÚ aakooeé' gwaa ló'wa tsuúq, nee gway daqaari'iitís. Nee inós a heé iia tleér. AAKOÓ MUNGÚ gwaa bee/ángw i haniís nee hikwa nee peésa nee sahaábu, nee sagadiyuusér hhawaate nee ar /ameenaaro, nee angamía nee daqwaayeero.

IIMU/UUNGW 26:12

Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 30:27

Ala Labani iri oó', «Pa/ángw nir ilawaats haniisang. Alaá tsaahha ngiwa sláw, aníng ngiri xuú' adór AAKOÓ MUNGÚ án ira tsuúq as kuúng.»

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

IIMU/UUNGW 39:5

Iimír Yosefu nguwa qaás tawa sageesihhtusmoó umuúqo gaaro baraá do'ose, AAKOÓ MUNGÚ doó Potifa guri tsuúq as Yosefu. Umuúqo gár i kona baraá do'o tam baraá qaymooro gari tsuúq.

NEHEMIA 9:21

Ina amohhe'eemís baraá xaanxaywo kureeri mibeerí tsiyáhh tam gár naa dakuusiyé' i káhh, tlabaaín naa qatli'iiká, tam ya'aaín na xir'imiti'iiká.

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 107:4

Bahh'alé nina baraá darmuú wa harweerariné', loohír tar hardihi baraá gixsár tawa hooti kaa slayká.

WARA'AMI 31:7

Aníng a baraá/ nee a qwalalaá/ as sla'aarirók ar warqawaaká, asma baramaanir'eé' kuúng aga aán, nee slahh'amuueé' kuúng u xú'.

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

TI'INAANGW 16:35

Xoorór Israeli muruú /aymaadár maána nguna /aa/ayiyé' ay kureeri mibeeri tsiyáhh, ay ngar wa hardihiyé' yaamuudá' hariimá' hotaawo digmuú yaamaá Kana'ani.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

HOSEA 13:5

Aníng kuungá' nuna amohhe'eemiís iimír baraá xaanxáy wa alé, baraá yaamaá kaahaar awa waxe.

AMOS 2:10

Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

FAARO 1:1

Bál slahhángw tsár tawa wak oo kurkú tsár iimír múk Israeli tindiwa baraá yaamaá Misri wa ti'iít, AAKOÓ MUNGÚ ina axweés dír Mose baraá heémadár Mungú wa ale, baraá xaanxoó Sinai, iwa kaahi,

FAARO 14:33

Na/iihúng i tonganuusiyá', nee slahha'aamaye gi sleér baraakaá xaanxáy wa ale har afiqoomoó kureeri mibeeri tsiyáhh, as kuungá' tawa múk aa inkihhimu waslees, ay dír heé alhhe'eesáy dirhunge i gwaai baraá xaanxaywí ale.

FAARO 14:34

Kuungá' slahh'amu nu sláy as daanduú tlakweemaahúng kureeri mibeeri tsiyáhh adoodár kilá' deelór mibeeri tsiyahhe yaamu kiwa tsawtsawusé', kurkú wák a adór baalár wák, kuungá' daqaní a tsahhá' adór aníng muuna ira gaás.

FAARO 22:12

Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

FAARO 32:13

AAKOÓ MUNGÚ ina daa/atúy buhhtaawo amór múk Israeli, giri baraá xaanxáy wa harweeritamaamís kureeri mibeeri tsiyáhh, qartadá' sleémeero tlakweema gaa tlehh dír geeraawose iri hhaán.

Luka 22:35

Yesu eeharuuseerós gari yaahaás, «Qoomár nuwa ya/aáw, peésár ta koonda' iwa kahh, laqaá tlakwaay, laqaá ya/ata', ala gár dirhunge aa /aaruur i deéro?» Tari oó', «I káhh.»

Yohana 10:27

Bee/angw'eé' afor'eé' ga iiárií qamín. Aníng u xuú', nee inós aníng i eeharahaar.

DABE 1:19

«Naagáy adoodá' AAKOÓ MUNGÚ, Munguúrén ngira oó', aaiirén ina iimu/uumaán iimír tloomár Horebúr wa tleemu, tari waarahhaán ar baraá xaanxaydá' úr kudá' dae tlaaq, kuungá' u xuá', tari waarahhaán ar loohidár yaamaá tlom'i awa múk Amori. Tawa hardahaán didá' ta bay, Kadesh-barnea,

DABE 1:46

Naagáy har afiqoomár yaariire tari meté' baraá Kadeshírí ale.»

DABE 2:14

Qoomaarihe kureeri mibeeri tám nee dakaát naa qaroó waarahhiyé', iimidá' tawa Kadesh-barnea wa tlawaán, ay qoomár yaaér Seredi kawa waarahhaan. Qoomaarihe qartidá' afiqoomár slaqwara eemuuwo hariim aa qaroó fák qatlooro, adoodá' aáng AAKOÓ MUNGÚ lo'o ngira /aáy.

DABE 2:6

Barnaxes ma'aá wahaangw laqaá muruú /ayma u sla'á' aqo un dir'ín wa tlaxwá'.›

DABE 29:4

Ala tam ay laarí AAKOÓ MUNGÚ fuqurángw muruuwí kur tsahha' nee ilaá tar xumisa', nee iaá tar axasa' nga hanisiiká.

DABE 29:5

Gawaá har afiqoomár kureeraá mibeeraá tsiyahhe, Mungú kuungá' nuna geerahaár baraá xaanxaywo, tlabaahúng kudá' taa dahasé' naa slaxarumiti'iiká, laqaá ya/ataahúng naa harfarkini'iiká baraá ya'ahunge.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.