DABE 2:37 - Biblía Axweesantá Hhohho' ar Mungú 2004

³⁷ Ala aga tseewuwaniiká dír yaamaá múk Amoni, laqaá dír afaá yaaér Yaboki, laqaá dír gixsadudaá yaamaá tlom'i, nee laqaá umuúqo tidá' AAKOÓ MUNGÚ, Munguúrén, naa diréní ooiká.»

DABE 2:37 Iomraidhean Croise

IIMU/UUNGW 32:22

Xweeradaá kilae Yakobo iri daarkiít, tlaawaywós tsaraawo gurir tláy, sagadiyuuseerós tsaraawo nee na/iiwós kudá' mibaá nee wak, yaae gari waaraáhh dír dahhsantá ta babay Yaboki.

FAARO 21:24

Ala múk Israeli inós nguri gaasiyé' ar paángár xaraasl, yaamuuwós ngiri hayoohiyé', iimír yaaér Arnonír wa tleemu ay yaaér Yaboki, ay yaamaá múk Amoni. Qoomaadae digimuú yaamaá Amoni ku ló'wa xún.

DABE 2:19

tari hardatá' yaamaá múk Amoni, múk Amoni mu hayloórí leehhara', laqaá ma slaqwaara' nee inooín, asma aníng dír ni kuungá' i haniis i káhh baraá yaamuuine, as tawa aalirhúng. Aasla'áy, mukwí an xwaylár Loti, nee yaamuuká' iga haniís as tawa daqaari'iimar'ín.› »

DABE 2:5

Ma slaqwaara' nee inooín, asma baraá yaamuuine tam dír harqoomoó tsa/oó yaae ngi baloó hanisaaká. Asma yaamuukaá tlom'aá Seiri iga Esau nee xwaylarós i haniís as tawa kooín.

DABE 2:9

AAKOÓ MUNGÚ iri báy, ‹Múk Moabu mu hayloórí leehhaar, laqaá miti muxaara' nee inooín, asma yaamuuín ngi dirhúng i hanisaaká. Asma yaamaá Ari iga xwaylár Loti haniís as tawa aalir'ín.›

DABE 3:16

nee múk hhay Reubeni nee Gadi ina yaamu sleémeero awa amór Gileadi ay yaaér Arnonír i haniís, digmuuín bihhaá basko a tla/ángw yaae. Nee bihhaá /iiko a yaaér Yaboki tidár digmuú xoorór Amoni.

YOSHUA 12:2

Waawutmoó geera a Sihoni kuduú múk Amori, kudaádá' baraá gixsár Heshboni gaa hoot. Inós ina waawuti'ín iimír gixsár Aroerír wa alé, tidár baraá xatstá Arnoni, ay amór yaaér Yaboki, tidá' digmuú yaamaá Amoni, waawuti'iimarós iri hardát ay tla/auhuú yaamaá Gileadi.

HAR'OHUUSE 11:15

kuwa bay, «Yefta i kaahi, ‹Múk Israeli yaamaá múk Moabu, tam yaamaá múk Amoni gaa hayoohiiká.

HAR'OHUUSE 11:22

Yaamaá múk Amori sleémeero ngina alqaatiyé' iimír yaaér Arnoni bihhaá basko, ay yaaér Yaboki bihhaá /iiko, iimír xaanxaay bihhaá da/aawe ay Yordani bihhaá /uwaawo.