DABE 2:36 - Biblía Axweesantá Hhohho' ar Mungú 2004

³⁶ Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

DABE 2:36 Iomraidhean Croise

2 SAMUELI 24:5

Yaaér Yordani kana waaraáhh, muu faaroro kuri iimu/ún iimír Aroerír wa ale, nee iimír yaaeedár baraá xatstá Gádír xu', ay yaamaá Yaseri.

2 WAAWITÁ 10:33

iimír bihhaá da/aáw awa yaaér Yordanír wa tleemu nee yaamaá Gileadiwo, yaamaá aa baál a kuká': Gadi nee Reubeni nee Manase, nee iimír Aroeri tidár baraá xatstadár Arnoni, tidár baraá yaamaá Gileadi nee Bashani.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

ISAYA 17:2

Gixsaduuwós kin xaanxaay tleehh ay alhhe'eesay wasle, tari ayaá hikwa nee bee/aangw ki tleemisi, niri baraadá' wa guiyá' tam ki dae tsatiiká.

YEREMIA 48:19

Kuungá' yaamuloouusér Aroeri, sihhiité', afaá loohi sihhiitaak, xumiisé', umuú hhawaatuú naa ta'aain /ameenír naa kotsqot, yaahasaak ku beera', «Gár naa /awuur?»

FAARO 32:34

Múk tlahhoó Gadi gixsaduín kiri tleéhh dír ta bay Diboni, nee Ataroti nee Aroeri,

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 3:12

«Qoomár yaamuudá' kiwa hayohaán, ina haniís dír tlahhoó Reubeni nee oo Gadi yaamuudaá bihhaá /iikuú wa tlawá' awa Aroeri isaapoó yaaér Arnoni nee tlaqtá yaamaá tlom'i awa Gileadi dinkwa nee gixsaduuwose.

DABE 4:48

Yaamuuká' nina tlayé' iimír Aroerír wa ale afaá yaaér Arnoni ay tloomár Sirioni, tidá' ta bay Hermoni,

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 12:2

Waawutmoó geera a Sihoni kuduú múk Amori, kudaádá' baraá gixsár Heshboni gaa hoot. Inós ina waawuti'ín iimír gixsár Aroerír wa alé, tidár baraá xatstá Arnoni, ay amór yaaér Yaboki, tidá' digmuú yaamaá Amoni, waawuti'iimarós iri hardát ay tla/auhuú yaamaá Gileadi.

YOSHUA 13:16

Yaamuudá' nina iimír Aroerír wa tlayé' ay afaá duxuú Arnoni nee gixsár baraá tla/ángw xatsa ay xatsoodaá Medeba sleémeero,

YOSHUA 13:9

Yaamuuín a iimír Aroeri ngina wa tlayá', tidár bihhaá duxuú Arnoni ay gixsadá' baraá tla/ángw xátstí dirii', tam xatstadá' sleémeero iimír Medebár wa oohang ay Diboni.

YOSHUA 21:44

AAKOÓ MUNGÚ inooín giri waydií haniís umuú diiro baraá yaamuudae ar adoodá' ngira al'axweés dír baabi'ii'ín. Hoomtuú gaa qiitl kwatiitaro i kaahh, asma AAKOÓ MUNGÚ hoomaadá' gana qaás baraá dabaá xoorór Israelírí ale.

HAR'OHUUSE 11:22

Yaamaá múk Amori sleémeero ngina alqaatiyé' iimír yaaér Arnoni bihhaá basko, ay yaaér Yaboki bihhaá /iiko, iimír xaanxaay bihhaá da/aawe ay Yordani bihhaá /uwaawo.

HAR'OHUUSE 11:26

Qoomár múk Israeli yaamaá Heshboni ngiwa oohiyé' nee ayeemoowose, Aroeri nee ayeemoowose, gixsadudaá gangeefír yaaér Arnoni har afiqoomár kureeri tsiire tame, iimidae yaamuuká' gár kisa tu/uká a milá?